利寶閣 (Closed)

利寶閣，聽朋友仔講歷史悠久，仲上埋市，講到咁勁但我又從未食過佢嘅食物，一於聚舊同時品嚐下中菜。銅鑼灣食肆林立，近年利舞台又開左唔少新餐廳，其實競爭相當大。一間餐廳如何在競爭大的環境中找到懂得欣賞美食的知音食客都幾重要。利舞台21樓，平時唔會特登上黎。難得今晚陪朋友，即管試試。入座時由於時間尚早，幾乎包場。酒樓裝修幾富麗堂煌，環境舒服，坐得幾舒適。拎住個花花茶杯，嘆杯香片茶，幾咁Relax！酒樓貴氣十足，咪以為只係得鮑蔘翅肚食呀，有平民食品架。谷飼豚肉叉燒飯～我見出面D𨋢口幾張poster賣呢個叉燒飯，睇落不錯。厚切叉燒，肥美爽口，肉香不錯，稍為燶邊更佳。刺穿太陽蛋的蛋黃撈飯，再配少少甜鼓油，正好多！谷飼豚肉叉燒飯配原盅佛跳牆($188)，佛跳牆嘅我黎講係幾吸引架。迷你佛跳牆保留了經典佛跳牆的珍貴食材，原隻小鮑魚、厚身花膠、排翅、海參。湯底以雞肉、瘦肉、金華火腿清燉而成。入口唔油膩，濃郁嘅湯，包含海味的精華。細心地另上鮑魚汁配原隻鮑魚黎食。來一個龍躉兩味～($328)翡翠炒斑球，龍躉夠滑，但略為乾身和重味，配埋西蘭花，平衡番個味覺。古法蒸龍躉頭腩，味道剛剛好之餘，魚肉嫩滑。原來古法即係用