細味館 (Closed)

-🔸韓式燉排骨年糕配糙米飯 $58🔸非洲海底椰南北杏蘋果雪梨燉豬腱湯 +$30-今日lunch聽同事介紹就一齊叫呢間外賣飯盒，價錢唔算太貴但主打健康住家風味，仲可以加$30飲私家靚湯𠻹！每個星期都會出新嘅餐單，每一日都有唔同嘅菜式揀返，啱晒想日日有新意嘅為食貓。今日就揀咗韓式少少嘅燉排骨，醬料真係似足韓菜嘅味道，少少辣送飯一流。排骨份量都幾多而且大舊，仲有口感煙韌嘅年糕，同埋白飯係混合咗糙米健康得多。跟飯加$30有住家靚湯飲，湯入面附上好大塊煲到好淋嘅蘋果同雪梨，非常足料好味，同埋呢個湯啱晒近排開始轉涼，可以滋潤吓呢！