茶木‧台式休閒餐廳 (大埔超級城C區)

Open Now

Now Closed

黎到食台灣菜嘅茶木，梗係要叫台灣最出名之一嘅肉燥飯，個飯嘅賣相非常麻麻，啲肉燥都偏鹹，好在伴碟有啲青瓜粒解一解鹹，另外隻糖心蛋唔錯，真係做到糖心效果，而且蛋白都唔會好實。但成個飯真係可以整得好味d。另外叫多咗個辣番茄蜆肉面，個番茄汁做得好開胃，辣辣地酸酸地咁，如果可以再稠身少少掛住d面就會更好。成碟野真係幾好味，如果蜆肉數量多多幾隻就更正。黎茶木點可以唔食佢哋最出名嘅蜜糖吐司呢~今次叫咗士多啤梨味，溶溶地嘅雪糕配合忌廉，再加一粒粒嘅棉花糖，聽落好似好甜，但加埋d小小酸既士多啤梨片同好香蜜糖味嘅脆多士，完全岩岩好，真係好正！ 分量非常之夠，建議兩至三個人一齊happy share!