Video
Read full review
2017-06-06
2927 views
人少食中餐總有著難嗌餸嘅問題，今次嚟到天一閣，menu係逐位計，啱哂兩個人食😬一早訂枱已經揀好呢個menu，雖然明知佢個花雕蟹係名物，但始終出街食飯都唔係咁鍾意拆蟹呢個步驟。$598加一，11樣野，好多🙈首先嚟個炸金菇，好有天婦羅feel，味道就咁咸咸地，佐酒應該唔錯。日本清酒浸蜆，煮完酒精都揮發得七七八八，冇乜酒味，清清地唔搶反而食到本身蜆嘅鮮味（可惜我唔係好鍾意食蜆🙈）黑毛豬叉燒，一上碟我即刻諗洗唔洗兩排咁多😂肥瘦分佈好均勻，咬落冇一般燒腊店嗰啲咁實，同埋顏色冇咁吸引，味道都係蜜汁叉燒。特別推介側邊朵玫瑰花，係餣咗嘅白蘿蔔嚟，酸酸味味超開胃。花膠螺頭燉雞，基本上成碗都係料，個燉湯完全係精華嚟，但螺頭又唔見喎，好多瘦肉就真。花膠都有兩塊架，燉到腍哂，如果落多啲花膠可以令個湯更rich就仲正🙈不過呢個價錢唔會要求咁多。一蝦兩味，蝦身啖啖肉超彈牙，配左個蟹粉&咸蛋黃嘅汁，好香。蝦頭係椒鹽製法，連蝦頭都好有肉，少少辣夠惹味👍🏻葵花斬肉，用雞湯燉呢舊豬肉丸燉六個鐘，入口係即刻化開，未試過食肉係呢個texture，手工菜果然係手工菜。茶燻雛鴿，用龍井茶葉慢慢燻熟，顏色當然冇一般燒乳鴿咁靚，但一
一早訂枱已經揀好呢個menu，雖然明知佢個花雕蟹係名物，但始終出街食飯都唔係咁鍾意拆蟹呢個步驟。$598加一，11樣野，好多🙈
首先嚟個炸金菇，好有天婦羅feel，味道就咁咸咸地，佐酒應該唔錯。
日本清酒浸蜆，煮完酒精都揮發得七七八八，冇乜酒味，清清地唔搶反而食到本身蜆嘅鮮味（可惜我唔係好鍾意食蜆🙈）
黑毛豬叉燒，一上碟我即刻諗洗唔洗兩排咁多😂肥瘦分佈好均勻，咬落冇一般燒腊店嗰啲咁實，同埋顏色冇咁吸引，味道都係蜜汁叉燒。特別推介側邊朵玫瑰花，係餣咗嘅白蘿蔔嚟，酸酸味味超開胃。
花膠螺頭燉雞，基本上成碗都係料，個燉湯完全係精華嚟，但螺頭又唔見喎，好多瘦肉就真。花膠都有兩塊架，燉到腍哂，如果落多啲花膠可以令個湯更rich就仲正🙈不過呢個價錢唔會要求咁多。
一蝦兩味，蝦身啖啖肉超彈牙，配左個蟹粉&咸蛋黃嘅汁，好香。蝦頭係椒鹽製法，連蝦頭都好有肉，少少辣夠惹味👍🏻
葵花斬肉，用雞湯燉呢舊豬肉丸燉六個鐘，入口係即刻化開，未試過食肉係呢個texture，手工菜果然係手工菜。
茶燻雛鴿，用龍井茶葉慢慢燻熟，顏色當然冇一般燒乳鴿咁靚，但一打個蒸籠嗰下，茶香四溢😍不過唔好意思，我覺得都係燒嘅好食啲😆側邊嗰啲酸薑都唔可以錯過，用浙江醋同蘋果醋浸，子薑只要中間最嫩嘅部分，所以咬落爽口無渣😋
薑汁炒芥蘭，睇得出已經揀左啲比較嫩嘅菜，仲要斬哂啲葉，勁講究！
蝦子蝦油蔥油撈麵，真係飽到食唔落，同埋真係油左少少。
棗茸糕同花雕飲，兩樣都唔啱我口味～
問侍應攞左本menu嚟睇，原來逐樣嗌價錢好襟計😅淨係個蝦都兩百，葵花斬肉都差唔多一百，成個set加埋一六百幾，每一味都花好多時間心機整，其實絕對抵食👍🏻
侍應全晚都不斷幫我地斟茶，亦都有好詳細咁介紹啲餸菜，好有耐性，好好服務。
唔係每樣野都啱食，但overall嚟講係一個非常好嘅dining experience👍🏻
Post
