板長壽司 (屯門時代廣場) (Closed)

每次都預早少少入座打點一切，等待您的到來。被迫坐迷你二人枱，食多幾道菜都無位放，仲要放埋調味料、餐牌、用具，迫上加迫，討厭。Asahi 生啤，繁忙工作過後，來杯冰凍啤酒大口灌入，人生一樂也！赤酢壽司系列，池魚皇、伊佐目、平目魚。飯粒程淡淡淺啡色，獨特的味道與香氣。由淡食到濃依次序，全部白肉魚都係較清淡的，不過各有所長。池魚皇極有彈力，魚味清爽。伊佐目軟軟滑滑，陣陣鮮味。平目魚油油潤潤，綿綿甘香。吞拿魚腩海膽丼，吸睛的畫面，刺身堆得滿滿，顏色鮮艷奪目，索一索聞得到的海鮮鮮味！侍應妹妹我係要有蟹腳既海鮮三色丼 $208 呢，依家變左吞拿魚腩海膽丼 $268 啊！最愛大大啖海膽刺身混在飽滿珍珠米間，頂層再鋪上油潤激甜大拖羅享用，色香味爆發到靈魂出竅，罪過罪過！麵豉湯，平實滾燙味濃，嘆完大碗飯狠狠灌入，痛快淋漓。和牛薄燒，嫩嫩綿綿鐵板燒薄切和牛捲著大量蔥花蒜蓉，香口惹味。珍寶赤蝦刺身，赤蝦廿蚊有找抵到爛，雖然比牡丹蝦次一級，不失黏彈鮮甜。伴碟炸蝦頭凍冰冰，無肉無汁乾爭爭，只作裝飾吧。天婦羅盛，雜菜天婦羅包羅萬有，蕃薯、南瓜、紫蘇葉、茄子，新鮮鬆化，不硬不油。還有兩大條車海老點綴，肉爽香甜。螢光