神輿日本料理 (Closed)

老實講，對日式放題頗有戒心，中伏太多，偏偏大胃王男友又鍾意食，聽佢肥仔朋友介紹叫我地去創興五樓食放題，好啦好啦，又接完佢收工，去完信和睇公仔 ( 點解男人個個星期都有公仔睇? )，就去左神輿日本料理到食晚飯。門面好靚，環境開揚，座位寬敞，有啲餐廳係你早成個星期book都比好差好迫嘅位你，食餐飯都唔自在，畢竟放題係食幾個鐘嘅飯，我覺得坐得舒服其實好重要。先叫左一輪刺身，師博好聽話，寫幾多片就出現幾多片，有少見啲嘅帶子同象拔蚌，象拔蚌令人驚豔，好鮮美，我以為會冇咩味，驚了個喜！其他都新鮮有水準，甜蝦夠大隻。炸物有秋葵（心心眼），唔係到到有，一見到點餐紙馬上落order，炸蠔非常不得了你睇個炸漿薄到！放題好少食到咁薄嘅炸粉，必叫！壽司細細件可以叫多幾款，不過我有嚴格唔比自己夜晚食太多澱粉，就冇叫太多一再encore嘅芝士焗虎蝦，芝士、沙律醬加上焗蝦，必勝組合。我食太多蝦會敏感都偷雞食左兩隻，請小心挑肉唔好整甩上面啲醬！薯蓉帆立貝，都係少見啲嘅野，帆立貝有鮮味(驚喜)，薯蓉夠滑。勁大碟牛油炒雜菇，拉麵碗黎，上枱時震驚，男友仲問我做咩嗌麵食，......其實成碗都係菇，唔緊要！肉就考起我啦，菇唔