火間土 (Closed)

同幾個同事飯局，有個同事提議呢間，都好！還掂廣東道間成日都book唔倒，呢間易book，咁就不如試啦！先講裝修，又係好有格調黑色，冇話好唔好，呢期日本餐廳興嘛！不過好似全部都係坐房仔塌塌米，坐得就唔算舒服，勝在夠晒私隱，朋友聚舊就一流。至於食物，就樣樣叫，比較好食有軟殼蟹卷，火間土卷，八爪魚丸，炸雞軟骨，普普通通係壽司，同埋唔知咩日式炒麵，比較差係燒三文魚，因為真係好腥。仲有叫2個雪榚，比較特別係一個好似叫衝上雲霄，即係4色雪榚加番薯加幾片炸蘋果片，不論賣相同味道都值得一試。埋單6百零蚊，咁裝修，咁食物水準，都總算合理。同埋招呼都真係好唔錯，因為同事帶個坐bb 車bb，店員都識主動幫同事收起架bb車，等大家都食得安心，呢方便真係值得加分。