Video
Read full review
2014-06-19
7797 views
嚟到isquare，想食西餐，就走上嚟試吓。。想試呢間好耐，睇食評有讚有彈，咁我就親身試試佢。。11點50分嚟到門口，原來佢哋係12點先開始營業，咁門口位小姐好細心咁叫我等等，到咗12點，佢好有禮貌咁帶我入座，俾咗個近自助bar嘅位置我，其實我想睇景多啲，不過唔緊要啦，我都係想試吓食物質素啫，當然有景觀就更加好啦。。坐低就即刻有侍應送餐牌，再細心解釋當日午餐款式，我叫咗魚，再叫佢幫我揀杯白酒，我講完之後，就走咗去自助bar度揀沙律啦。。沙律嚟講，佢都算好多款式，風乾肉同凍肉都有幾款，尢其沙律菜，食得出好爽脆好甜，我食食吓嘅時候，仲聽到隔離枱位女士同佢朋友講"呢啲沙律菜好甜好脆，剩係食沙律菜都值回票價。。"講真，我都相當同意呢位女士講嘅嘢架。。因為真係好好食。。當我攞完沙律返嚟，枱面已經有杯白酒，隔咗陣，有位靚仔哥哥行埋嚟同我講解杯白酒產地，再解釋呢款白酒配上我點嘅魚，係一流嘅。。我攞第二轉沙律嘅時候，攞咗啲撈哂醬嘅薯仔沙律同螺絲粉之類。。呢轉就比較失望了，薯仔烚得唔透，居然係爽口。。螺絲粉就無咩味。。到飲佢哋嘅甘筍湯，其實我一向對甘筍無咩興趣，但呢個湯令我行出去攞咗兩次。。超好飲。。到
11點50分嚟到門口，原來佢哋係12點先開始營業，咁門口位小姐好細心咁叫我等等，到咗12點，佢好有禮貌咁帶我入座，俾咗個近自助bar嘅位置我，其實我想睇景多啲，不過唔緊要啦，我都係想試吓食物質素啫，當然有景觀就更加好啦。。
坐低就即刻有侍應送餐牌，再細心解釋當日午餐款式，我叫咗魚，再叫佢幫我揀杯白酒，我講完之後，就走咗去自助bar度揀沙律啦。。沙律嚟講，佢都算好多款式，風乾肉同凍肉都有幾款，尢其沙律菜，食得出好爽脆好甜，我食食吓嘅時候，仲聽到隔離枱位女士同佢朋友講"呢啲沙律菜好甜好脆，剩係食沙律菜都值回票價。。"講真，我都相當同意呢位女士講嘅嘢架。。因為真係好好食。。
當我攞完沙律返嚟，枱面已經有杯白酒，隔咗陣，有位靚仔哥哥行埋嚟同我講解杯白酒產地，再解釋呢款白酒配上我點嘅魚，係一流嘅。。
我攞第二轉沙律嘅時候，攞咗啲撈哂醬嘅薯仔沙律同螺絲粉之類。。呢轉就比較失望了，薯仔烚得唔透，居然係爽口。。螺絲粉就無咩味。。
到飲佢哋嘅甘筍湯，其實我一向對甘筍無咩興趣，但呢個湯令我行出去攞咗兩次。。超好飲。。
到我點嘅主菜啦，當我食完沙律，我就叫佢哋可以上主菜，大約10至15分鐘左右，主菜嚟到，靚仔哥哥再細心向我解釋主菜嘅煮法同配嘅汁，等我再對呢個菜有更多認識。。good
呢個魚送到上嚟熱辣辣，外面層魚皮脆，肉質軟熟，真正外脆內軟，好好味。。配埋個雲呢拿汁，原來又幾好味喎。。食完都唔覺漏。。讚
到甜品。。款式唔算多，但每款精緻，味道唔錯，同五星酒店相比，佢都可以有同級分數。。
到埋單時，都只係三百多元。。真係相當好。。我一定會再嚟。。下次我會試夜晚嚟呢度，想睇埋景觀呢。。
Post
