Bonding coffee (Closed)

今年1月初有這一間新開試業中嘅咖啡店，我就剛過去嘅星期一去探店。門口放有一部大Cambo相機，店內係簡約木系風格，灰白色牆身上掛上一幅幅相，木製長板凳伴一張張黑色小圓枱和鮮花，可以坐喺度嘆咖啡之餘又可以抬頭欣賞一幅幅相，都幾寫意㗎～Creme Brulee Cappucino (HK$45/Hot)．呢度嘅特色咖啡款式．面頭有微微焦香嘅焦糖．好厚身嘅奶泡面．咖啡豆可以揀nutty或floral口味，我揀咗nutty，感覺配creme brulee會好味啲，又真係味道不錯👍🏻Four Cheese Sourdough Pizza (HK$68/6 inches)．即叫即焗，10分鐘後有得食😋．等待嘅時候，店內充滿着芝士烤焗的香氣．酸種薄餅底，薄脆口感．厚厚嘅芝士餡，4款芝士有莫扎里拉芝士 (Mozzarella)、車打芝士 (Cheddar)、巴馬臣芝士 (Parmesan) 和藍芝士 (Blue Cheese)，喜歡芝士嘅我覺得好美味呀😋等待嘢食期間，發現走進店內是一隻貓咪，好有台型咁慢慢貓步，好似在巡舖咁😂 店主話係附近店舖的貓女，喜歡每天走過嚟店內散步，親親食客們，好sweet㗎。