Video
Read full review
2024-01-19
20 views
放假又去咗尖沙咀搵食尖沙咀厚福街真係掃街嘅好地方好似次次去都會有啲新嘢食咁今次特別想試呢間 ～餓媽家姐👩🏻！聽朋友講係全港五大必食腸粉～啲腸粉係即炒即做嘅去到嘅時候前面都有少少人等緊所以要耐心等一下雖然鋪面細細，但都有立食嘅地方都算係一個細心位～ 始終厚福街都人頭湧湧 鋪接鋪有時想搵個位企喺度食嘢都好似阻住人咁好鬼多嘢食，有選擇困難嘅我勁辛苦先揀到！同埋得一條友又食唔到太多嘢～最終揀左 沙嗲牛肉炒腸粉 + 玉子燒(黑松露醬)等嘅期間見到原來佢嘅燒賣都好似好出名上咗燒賣關注組😂腸粉同玉子燒齊齊出現喺我眼前啦～本來想食腸粉先～ 但係見到玉子燒出晒煙即刻忍唔住即刻食咗一啖嘩 😳 未食過咁熱辣辣嘅玉子燒 超好味🤤平時食到嘅玉子燒可能攤凍咗甚至涼涼哋原來熱辣辣咁樣食係勁香蛋味加埋黑松露醬真係冇得輸～ 坦白講 原本以為佢淨係出名腸粉但而家我覺得玉子燒都係必食推介跟住就輪到腸粉 都係出晒煙嘅 因為即叫即炒原本見到面頭好似冇乜餸咁原來撥開左下便勁多沙嗲牛肉同埋蛋絲超豐富夠晒足料牛肉唔係好鬆肉粉淋池池嗰一種佢唔會有一pat 沙嗲醬但係食落去牛肉同埋腸粉都有淡淡的沙嗲味調味控制得唔錯腸粉份量都足夠一個男仔
尖沙咀厚福街真係掃街嘅好地方
好似次次去都會有啲新嘢食咁
今次特別想試呢間 ～餓媽家姐👩🏻！
聽朋友講係全港五大必食腸粉～
啲腸粉係即炒即做嘅
去到嘅時候前面都有少少人等緊
所以要耐心等一下
雖然鋪面細細，但都有立食嘅地方
都算係一個細心位～
始終厚福街都人頭湧湧 鋪接鋪
有時想搵個位企喺度食嘢都好似阻住人咁
好鬼多嘢食，有選擇困難嘅我勁辛苦先揀到！
同埋得一條友又食唔到太多嘢～
最終揀左 沙嗲牛肉炒腸粉 + 玉子燒(黑松露醬)
等嘅期間見到原來佢嘅燒賣都好似好出名
上咗燒賣關注組😂
腸粉同玉子燒齊齊出現喺我眼前啦～
2 views
0 likes
0 comments
本來想食腸粉先～ 但係見到玉子燒出晒煙
即刻忍唔住即刻食咗一啖
嘩 😳 未食過咁熱辣辣嘅玉子燒 超好味🤤
平時食到嘅玉子燒可能攤凍咗甚至涼涼哋
原來熱辣辣咁樣食係勁香蛋味
加埋黑松露醬真係冇得輸～
坦白講 原本以為佢淨係出名腸粉
但而家我覺得玉子燒都係必食推介
0 views
0 likes
0 comments
玉子燒 （黑松露醬）
8 views
0 likes
0 comments
跟住就輪到腸粉 都係出晒煙嘅 因為即叫即炒
原本見到面頭好似冇乜餸咁
原來撥開左下便勁多沙嗲牛肉同埋蛋絲
超豐富夠晒足料
牛肉唔係好鬆肉粉淋池池嗰一種
佢唔會有一pat 沙嗲醬
但係食落去牛肉同埋腸粉都有淡淡的沙嗲味
調味控制得唔錯
5 views
0 likes
0 comments
XO 醬沙爹牛肉炒腸粉
5 views
0 likes
0 comments
腸粉份量都足夠一個男仔食得飽
女仔嘅話可以share腸粉再叫多個小食
如果有人陪我食，我都會想試埋燒賣🥲
今次試唔到，要留返下次啦
試咗兩個小食都有驚喜而且高質
驚喜指數🌟🌟🌟🌟！
Post
