翁記上海館 (Closed)

收工同爸爸媽媽一家人去搵食，發現鬧市中隱世美食翁記上海館，夜嘛嘛有間特別多人既野食，咁多人食肯定有好野，就梗係去湊下熱鬧啦。環境光猛，非常好生意，店員都好熱情，見我地幾個人，幫我哋安排位置，所以只係等左一陣就有位 。坐低就睇下食乜，店員即係熱情推介，特別記得既係竹笙火腿雲吞雞、黑醋排骨、小籠包同埋京蔥爆豬肉窩窩頭。通常尼講上海野係比較濃味，但哩個竹笙火腿雲吞雞就清清地啱老人家，湯好好飲之餘，仲非常足料，有好幾隻雲吞，仲成隻雞脾添。至於黑醋排骨呢，一尼到香氣四散香味十足，酸酸微微十分開胃，但又唔算話好酸，都容易入口，貌似咕嚕肉，口感就完全唔同，明顯冇加粉既，啖啖排骨肉。小籠包簡直係重點重頭戲，一籠四粒，粒粒都漲卜卜啖啖湯響入面，仲熱辣辣添，最好係一啖擺落口連湯飲係最爽。然後係京蔥爆豬肉窩窩頭，京蔥爆豬肉呢就極之入味，就咁食濃左d，加埋個包，裝住食，鹹淡適中，口感一流，直情係國寶級食物。最後，食埋個香酥豆沙鍋餅就差不多完結哩個尋隱之旅嚕。