再說 (Closed)

嚟開灣仔做嘢，但時間唔多諗住求其食個包買杯咖啡就走。搵一搵Mee見到Retold，印象中間唔中都係啲黃IG foodie會見到佢個名，又夠近，就揀咗佢💛本身叫咗Flat White，店員提醒係少奶啲，Latte會大杯啲，就轉咗Latte。Btw帶咗杯諗住拎走，所以冇拉花睇哈哈本人唔飲牛奶所以多數揀燕麥奶，有個問題係燕麥奶唔夠重味，所以會比較明顯飲到原先啡底嘅酸味，同埋飲落會鞋口啲。Retold嘅house blend唔酸飲落好順滑，唔覺可以特別揀豆，但我估係nutty啲，入口唔會澀，開心！💛收到張冇限期嘅印花咭咭，可惜唔係成日去灣仔，但去開都會再去，好飲嘅咖啡唔係到到有，每次試新啡店都好緊張💗牛角酥唔錯喎，以咖啡店嚟講係水準以上，酥脆層次都幾好，咁啱之後一日係另一間就食到啲好shitty嘅croissant 即刻好感恩係Cafe食到嘅都唔錯🤭🤭整體十分有七分，加埋裝飾環境當然爆分啦，anyway會再回頭嘻嘻