Pho Bar (Closed)

終於試咗近期炙手火熱嘅人氣越南粉 我揀咗個Surpreme combo要金邊粉，湯底做得好好，夠味而且好香，食完又唔係好有口渴嘅感覺👍🏾啲金邊粉好有層次感👍🏾 啲牛肉嘅質感就麻麻，唔係唔好食，只係唔夠味。而其他配料就總算可以啦👌🏾至於小食方面，除咗個特色雞翼，另外兩個炸春卷同埋炸蝦卷，我可以用冇誠意去形容佢哋，用另外一個方法去形容就係，完全可以唔需要食，一碟普通炸野囉😌 而特色雞翼個醬汁又幾特別嘅，絕對可以一試，但又唔係要必食嘅😂性價比方面，我覺得絕對可以接受，雖然地方唔係特別靚但起碼就腳，响中環食食一碗咁有水準嘅粉，絕對可以接受，👍🏾 我其實始終係為咗個越南粉而來，所以回頭指數：一定會再去，但又唔會咁快趕住去果種😂