Chef's Stage Kitchen

Open Now

Now Closed

呢間餐廳各樣嘢食都真係好食。佢地嘅面包都有三款比你，都好屬於軟包點佢地特別嘅沙律醬好開胃！南瓜湯嘅份量都好好，而且做得好細緻，唔會太稀或者太濃，亦都有南瓜溶嘅口感。而意大利風乾腿伴密瓜嘅Parma Ham切得夠薄，所以唔會咸，配上密瓜嘅鮮甜，好正！而主菜方面，我地就叫咗兩樣，一係鮮蝦帶子墨汁意粉。佢嘅蝦同帶子都煎得洽到好處，能夠鎖住入面嘅鮮味，又唔會太韌，亦都食到煙薰嘅香味！墨汁嘅濃度係調配得相當好，一般都會比較淡，但佢做嘅濃度既可以享受到啖啖嘅墨汁香，又唔會覺得好杰好難入口，相當細緻！另一樣就係炭燒穀飼澳洲肉眼扒拼香草牛油焗波士頓龍蝦尾，呢個菜色佢地做得好細緻！一來係塊扒煎得啱啱好，燶邊先再煎中間，所有肉汁都鎖得好實，你會見到啲坑紋中間保留住所有肉汁，咬落就好感受到每一啖嘅鮮牛扒香味，我比較鍾意落小小鹽咁食，唔需要落黑椒汁都好食到佢嘅牛香。而佢嘅波士頓龍蝦尾亦都好值得一讚，因為佢係細緻到將成塊龍蝦肉起咗，放上殻上面，然後有一層芝士包裹住成舊肉，食起上嚟係啖啖肉，好滿足。由環境到食物質素都係好有品味！值得一試。