成仔記粉麵

Open Now

Now Closed

趁公司食團年飯，於是食個無咁heavy既午餐再搏殺，於是就諗到食呢間雲吞麵。睇個餐牌，雖然百物騰貴，間鋪亦曾經加過價，比起出面我仍覺得合理水平。細蓉加色，有四隻雲吞，好大舊蝦肉而且好爽口。食緊既時候，我見到近門口果邊有位阿姐不斷包緊，可能就係箇中原因。麵底好彈牙，伴埋辣椒油咁食，食下食下就唔覺食晒店內有辣椒油賣，感覺唔算貴，如果遲下多係屋企煮麵，或者會考慮下。凍檸檬茶好多片檸檬，屬於少見。不過茶底略甘，如果唔係食辣野恐怕飲唔晒。