盛八日式燒肉放題店 (Closed)

早前有朋友講開呢間餐廳話唔錯喎，適逢上星期係媽媽生日成家大細一行十人就訂位去了。我們被安排坐入房環境唔錯個feel幾好。揭開佢哋餐牌入面嘅種類都幾多，除咗燒肉我哋仲叫咗煎餅、石頭窩飯、炒飯還有一碗叫一枝藏嘅拉麫，其實係碗牛柳粒嘅拉麫佢佈滿葱花(我好鍾意食葱)，湯底好鮮甜(攪到我成碗飲哂)，D牛粒入口溶化好香牛肉味(驚喜)，D燒肉就叫咗好多唔同嘅口味，其中果味牛胸腹、柚子味豬頸肉、燒汁嘅牛肋骨肉等我都覺得好好，最意外嘅係厚切牛舌，我兩個姨甥仔一個11歲一個9歲竟然食到唔停得口食完一碟又一碟，前前後後叫咗4碟呀(有無見過小朋友會鐘意食D咁嘢)，不過又真係幾正嘅，最後推介盛八腸辣咗少少但好惹味。咪以為坐房無人招呼(一般都好難叫到伙計)，點知成晚都好似有個妹妹係間房外，仲不時入嚟同我哋加茶和換碟tim，整體嚟講都好滿意，唯獨是我哋叫咗個盛八沙律漏咗單無嚟。