花朝軒 (Closed)

同友人好久不見特登入嚟西貢聚一聚，諗住食完飯可以海邊行下，卻不幸地碰上大雨，原本諗住食海鮮嘅計劃只好擱置，轉陣到就近嘅呢間中式餐廳進餐~因為雨勢越下越大， 所以餐廳嘅人數唔多，喺如此古色古香嘅餐廳下進餐，觀看著門外嘅微微細雨，原來都別有一番風味！芝士龍蝦伊麵一上菜就聞到龍蝦陣陣嘅芝士香氣，蝦肉剛剛好離殼，肉質嫩滑爽口，而伊麵配芝士汁亦好入味麵條仲好有咬口👍🏻 龍蝦分量亦夠多夠大隻， 滿足曬我哋嘅口癮😛金沙蛋黃蝦包覆著鹹蛋黃醬汁嘅蝦球香氣撲鼻， 連蝦殼都炸得脆卜卜可以食！可以一邊啜着鹹香嘅蛋黃粒，一邊品嘗爽甜蝦肉！食落啖啖肉又唔使剝殼，啱晒我地呢啲懶人食😛蒜蓉炒菜心寫明新界蔬菜，又真係幾新鮮喎！ 菜心翠綠有光澤， 而且炒得好有鑊氣之餘口感仲非常爽口！👍🏻西蘭花炒帶子西蘭花同樣新鮮，而且同帶子一樣，煮得啱啱好， 西蘭花食落去唔會硬棚棚，帶子亦軟腍鮮甜，味道相當唔錯！