米線陣 (Closed)

鐘意食米線，常去嘅青衣好似無幾間，自從青衣城開咗米線陣，都食過幾次，多數食特盛米線，哈哈，乜都有啲好似著數咗咁 其實想試二人餐好耐，但朋友唔鐘意食辣，自己又唔想一個人食哂啲小菜，今晚搵鐘意食辣O既阿媽陪我食。$148二人餐，有兩碗鮮菌肥牛米線，小碟(蒜泥白肉、口水雞、涼拌青瓜皮蛋)，兩杯飲品。仲有另外一款餐可以選。上小菜先，體貼地附上骨碟。蒜泥白肉雖然肥肉多，但由於切得薄，唔鐘意肥肉O既我都食得落我，蒜味比想像中弱，唔算辣，都幾香，但食多幾塊會幾(漏)。青瓜皮蛋幾入味，青瓜脆身，唔會太咸，但皮蛋一人一隻，多咗啲。口水雞，唔夠辣，唔夠香，無乜雞肉，但份量都多。一向唔識欣賞酸辣，所以叫咗麻辣，米線份量足，辣味就人人唔同感覺，小辣我就夠啦，湯底我一向鐘意，唔算太油，肥牛同菇菌都得少少，但睇咗小菜O既份量都平衡到。另外叫咗冰鎮奶茶，太興O既當然好味啲，但冰鎮都算係有HEART O既而又有味。終於算係試過二人餐，同相像中差唔多，無想像中辣，而賣相同參考圖片差唔多，份量亦夠，$148算係抵食，不過對兩個人黎食，有小小油膩，下次都係食返特盛就夠啦。