Video
Read full review
2018-08-22
153 views
旺記冰室放係to eat list 好耐！奈何佢啲分店都好遠，的唔起心肝去食，終於佢係油塘大本型food court開左分店，知道左即去！星期日朝早11:30左右到左，估唔到門口已經有人排隊，最後排左廿分鐘先入到去。叫左叉燒滑蛋飯、蝦仁滑蛋飯同薑汁鮮豬潤通粉餐配滑蛋同麥包多士。叉燒滑蛋飯見到大家狂推，我當然叫哩個黎試下啦。賣相相當吸引！叉燒數量唔少，但薄切，食落冇咩味，普通。滑蛋飯個滑蛋令我有啲失望，唔係我想像中咁嫩滑，中間既蛋仲保留左蛋漿，但邊位既蛋略嫌overcooked，有啲似蛋既薄片。蛋既味道唔係太出，無咩蛋香。甜豉油味道淡，連我中意淡口味既人都覺得冇咩味（點解大家都話甜豉油係點睛之作🤔 唔通唔同分店質素有參差）同埋有些少油份。蛋入面係白飯，白飯偏乾身，好彩有面頭蛋漿同豉油濕潤返，會易入口啲。蝦仁滑蛋飯都係異曲同工，蝦仁尚算大粒，食落亦爽口彈牙。不過就冇咩味。其實對於哩兩個飯有啲失望。個人覺得真係冇大家講到咁神級，只係普通既一個碟頭飯。反而薑汁鮮豬潤通粉餐配滑蛋同麥包多士好出色喎！多士好用心，用左麥包，感覺較健康。多士焗到小脆口，有口感之餘又唔會刮口👍🏻面頭涂左牛油，令麥包多士
星期日朝早11:30左右到左，估唔到門口已經有人排隊，最後排左廿分鐘先入到去。
叫左叉燒滑蛋飯、蝦仁滑蛋飯同薑汁鮮豬潤通粉餐配滑蛋同麥包多士。
叉燒滑蛋飯
$54
98 views
0 likes
0 comments
叉燒滑蛋飯見到大家狂推，我當然叫哩個黎試下啦。
賣相相當吸引！
叉燒數量唔少，但薄切，食落冇咩味，普通。
滑蛋飯個滑蛋令我有啲失望，唔係我想像中咁嫩滑，中間既蛋仲保留左蛋漿，但邊位既蛋略嫌overcooked，有啲似蛋既薄片。蛋既味道唔係太出，無咩蛋香。
甜豉油味道淡，連我中意淡口味既人都覺得冇咩味（點解大家都話甜豉油係點睛之作🤔 唔通唔同分店質素有參差）同埋有些少油份。
蛋入面係白飯，白飯偏乾身，好彩有面頭蛋漿同豉油濕潤返，會易入口啲。
蝦仁滑蛋飯
$56
110 views
0 likes
0 comments
蝦仁滑蛋飯都係異曲同工，蝦仁尚算大粒，食落亦爽口彈牙。不過就冇咩味。
其實對於哩兩個飯有啲失望。個人覺得真係冇大家講到咁神級，只係普通既一個碟頭飯。
反而薑汁鮮豬潤通粉餐配滑蛋同麥包多士好出色喎！
多士好用心，用左麥包，感覺較健康。
多士焗到小脆口，有口感之餘又唔會刮口👍🏻
面頭涂左牛油，令麥包多士味道變得更香。
滑蛋係全餐既亮點滑蛋食落濕潤、嫩滑，蛋味較滑蛋飯香，配麥包多士一齊食係完美既享受。好出色！
（個人認為旺記滑蛋好食過澳x幾條街，同伴亦有同感）
滑蛋多士
$46
22 views
0 likes
0 comments
薑汁豬潤通粉都唔差啊！
豬潤份量都足，但薄切。薄切得黎食落又幾好味，但某幾塊略嫌過熟，如果煮既時間短少少會更好食。加左薑絲去腥味，幾貼心。
通粉湯底加左姜汁，食落出奇地夾，湯底清清地，冇咩味精既感覺，唔錯！
跟餐餐飲推薦奶茶！
奶同茶比例好好，奶茶飲落唔會過於苦澀，亦唔會比奶搶左啲茶味。
奶茶質感順滑，水準高於一般茶記，可以一試！
豬潤通粉
$46
48 views
0 likes
0 comments
整體而言，茶餐較滑蛋飯出色，未試過可以一試，但對滑蛋飯唔好抱太大期望
Post
