Video
Read full review
2022-03-02
61 views
以前我屋企附近有一間Cali-Mex外賣店，所以我一直都知道有呢間連鎖店嘅存但係就從來都未試過🤪今次去咗有堂食嘅Cali-mex，地點位於銅鑼灣食街，對我嚟講非常方便！揀銅鑼灣店另一原因係想坐室外座位用餐，啱晒而家唔太凍唔太熱嘅天氣。▫️Sliders - Carnitas Pork (HKD98) - 一客有三個細小嘅麵包，中間夾著大量手撕豬肉及椰菜絲，細細件作為前菜就最好不過😋😋▫️Carne Asada Tacos (HKD58) - 食墨西哥菜點都要試吓Tacos，喺咁多款Street Tacos中揀咗以牛肉為主嘅。牛肉雖然切到細細粒，但都食到帶有油脂嘅口感。Tacos中嘅墨西哥牛油果感覺清新，可以減少牛油帶來嘅油膩感。▫️Tequila USDA Prime Ribeye (HKD318) - 呢份用龍舌蘭酒醃製嘅肉眼扒有成10oz㗎！上枱時牛扒已經切開一件件，可以清楚望到肉質非常粉嫩。牛肉入口軟腍及帶有少少酒香。值得一提嘅係呢一份ribeye配有軟烤餅、墨西哥牛油果同埋墨西哥飯，非常重量級！一個人應該食唔晒，好彩我哋係兩個人share😆😆▫️Churros (HKD88) - 餐牌
▫️Sliders - Carnitas Pork (HKD98) - 一客有三個細小嘅麵包，中間夾著大量手撕豬肉及椰菜絲，細細件作為前菜就最好不過😋😋
▫️Carne Asada Tacos (HKD58) - 食墨西哥菜點都要試吓Tacos，喺咁多款Street Tacos中揀咗以牛肉為主嘅。牛肉雖然切到細細粒，但都食到帶有油脂嘅口感。Tacos中嘅墨西哥牛油果感覺清新，可以減少牛油帶來嘅油膩感。
▫️Tequila USDA Prime Ribeye (HKD318) - 呢份用龍舌蘭酒醃製嘅肉眼扒有成10oz㗎！上枱時牛扒已經切開一件件，可以清楚望到肉質非常粉嫩。牛肉入口軟腍及帶有少少酒香。值得一提嘅係呢一份ribeye配有軟烤餅、墨西哥牛油果同埋墨西哥飯，非常重量級！一個人應該食唔晒，好彩我哋係兩個人share😆😆
▫️Churros (HKD88) - 餐牌上三款甜品裡面最吸引嘅一定係甜炸油條！一條條長短差唔多、外皮脆脆哋嘅炸油條鋪上少量砂糖，最好味嘅食法就係一定要沾上暖暖嘅朱古力醬一齊食呀。
⭐️⭐️凡惠顧Cali-Mex嘅客人(堂食或外賣)，只要同店員講呢個優惠碼「CHURROS999」就可以免費享用一客Churros 㗎啦! 免費請你食Churros呢個優惠適用於所有Cali-Mex分店(金鐘店除外)。
原來Cali-Mex推出咗啲新菜式喎(暫時只有西營盤分店有得食咋)，想試嘅話就要留意喇。店員話其他分店會陸續推出，希望下次我再去幫襯時會有機會試啦😆
Post
