吉豚屋吉列豬扒專門店

Open Now

Now Closed

平時去呢度睇醫生都會經過呢一間野，有時候仲會見到人排隊，今日午餐時間嚟睇醫生睇完又覺得肚餓，好啦我入去試吓啦揀咗好耐揀咗個泡菜豬扒鍋飯定食，一來唔想食吉列，因為覺得好似好熱氣，二來想食泡菜成個餐有個湯，餸菜，同埋一碗飯，冇叫嘢飲因為要另外加錢。個湯好好飲，佢係蘿蔔加洋蔥加豬肉煮嘅湯，再加miso咁樣嘅組合一定鮮甜，雖然我唔知佢有冇加味精，但我學到野啦，將啲菜加肉加Miso煮成嘅湯真係好鮮豬扒泡菜鍋，一上枱我覺得好似好健康咁，因為有一半係肉一半係菜。豬係熟嘅，唔會太乾，因為有一啲脂肪係側邊，呢個鍋最好嘅佢唔係太辣，太辣我食唔到。唯一嘅佢缺點係太油，當你食晒啲生菜你就會見到啲湯汁話好多油飯係珍珠飯留意反呢度有＋1收費仲想講多樣野，假如生菜絲係可以無限免費添加就最好啦由入去食到離開，門口都有條龍喺度排隊，有少少明白點解會有咁多人排。