Video
Read full review
2015-10-14
437 views
之前係旺角見到嘅時候就已經想試，放工行過見到荃灣原來都開咗分店，就go go go 啦，平日夜晚去，人唔太多好快就有得入去！我地揀咗中辣芝士奶奶雞面頭啲芝士有啲似忌廉湯嘅cream 有少少芝士味唔太濃，配埋啲雞幾夾。雞好入味而且肉質好嫩，瓜同薯仔同碟底啲薯粉入味，但食食下覺得有啲太濃味咁多，如果配白飯or 冇味嘅粉面就岩岩好啦 。中辣我覺得少少辣幾惹味再辣啲仲正，但朋友覺得食個面有芝士嘅部分ok,食到底有啲辣。全晚覺得最正就係呢個牛肋骨湯雖然話係牛肋骨，其實得一舊大骨，大大舊啖啖肉，啲肉煮得好軟淋淋，一啲都唔老，保持到juicy，正。湯肉面仲有蘿蔔同芋絲，煮得好入味，尤其啲蘿蔔就係好好食，但年糕個質地就尚有進步空間。整體CP 值好高，推介！呢個韓牛同之前食嘅韓國生牛肉好唔同，一塊塊好似sashimi 咁，個面微微煮過，似日本嘅 tataki 。咬落去食到有牛味，碟底有好多粗洋蔥絲，一開始唔知連埋啲牛同汁一齊食，結果洋蔥同啲汁完全遮蓋哂啲牛味，後來只食牛肉同點汁就ok,但汁嘅味道有少許太濃，另外如果牛可以薄啲就更好。今晚試咗玄米漿 ，第一次試，好味!! 食食下再叫埋柚子cider，反轉
我地揀咗中辣芝士奶奶雞面頭啲芝士有啲似忌廉湯嘅cream 有少少芝士味唔太濃，配埋啲雞幾夾。雞好入味而且肉質好嫩，瓜同薯仔同碟底啲薯粉入味，但食食下覺得有啲太濃味咁多，如果配白飯or 冇味嘅粉面就岩岩好啦 。中辣我覺得少少辣幾惹味再辣啲仲正，但朋友覺得食個面有芝士嘅部分ok,食到底有啲辣。
全晚覺得最正就係呢個牛肋骨湯雖然話係牛肋骨，其實得一舊大骨，大大舊啖啖肉，啲肉煮得好軟淋淋，一啲都唔老，保持到juicy，正。湯肉面仲有蘿蔔同芋絲，煮得好入味，尤其啲蘿蔔就係好好食，但年糕個質地就尚有進步空間。整體CP 值好高，推介！
呢個韓牛同之前食嘅韓國生牛肉好唔同，一塊塊好似sashimi 咁，個面微微煮過，似日本嘅 tataki 。咬落去食到有牛味，碟底有好多粗洋蔥絲，一開始唔知連埋啲牛同汁一齊食，結果洋蔥同啲汁完全遮蓋哂啲牛味，後來只食牛肉同點汁就ok,但汁嘅味道有少許太濃，另外如果牛可以薄啲就更好。今晚試咗玄米漿 ，第一次試，好味!!
食食下再叫埋柚子cider，反轉個樽好正，想試好耐 好開心，同佢影番幾張相先
估唔到柚子同cider幾match
成個餐廳環境坐得好舒服，但我地2個人同另外2 個人share 一張4人檯，加上食物大部分差唔多時間上，張檯唔夠位放有d 迫，同上一樣岩岩開始食下一碟就上，食唔切，如果可以慢慢上就好啦!
最後值得一讚係員工服務態度十分好，個個都好好笑同招呼，成晚都食得好開心，。
Post
