Video
Read full review
2018-02-02
1480 views
每次去旅行，都有一個指定動作，就係會去行便利店，而便利店我一定會去睇下有無溏心蛋賣，同埋一定會去冰櫃朝聖。.終於依家唔使去旅行先有得食啦，香港終於有啲似樣啲嘅糖心蛋飯團買。雖然已經出咗好耐，今日終於的起心肝買黎試！________________________🔹溏心蛋飯團 $14係由半隻溏心蛋同秘製醬油既飯糰組成，半隻糖心蛋未去到好似廣告咁會流出黎，係中間粒黃半融既膏狀，而且蛋香味十足，有種飛咗去日本台灣食糖心蛋嘅感動！.飯團份量都好多下，大約有半碗飯咁多，食完好有飽肚感，飯係日本青森米，有啲似雙羊百搭米咁，幾濕潤。而秘製醬油係一種類似鰻魚汁嘅甜醬油，幾香幾好食。.成個飯糰嘅味道我都好滿意，真係要我講改善空間個話，就係半隻蛋加一個飯團有少少分唔勻，如果可以係一隻蛋就好喇！😍😍.🔹卡邦尼溏心蛋飯糰 $14同樣都係半隻蛋加飯糰，唔同既係飯既口味，係卡邦尼口味，食落感覺就似將一碟卡邦尼飯搓成飯糰加上溏心蛋，芝士味濃郁，裡面既煙肉粒都好大塊下，塊塊有成五毫子咁大架！芝士同蛋就一向都夾架喇！.我覺得呢個比醬油味重口味，啲飯就算無左隻蛋都好食！但醬油味就蛋味出啲，好難揀呀！.始終佢個飯團都係放過
每次去旅行，都有一個指定動作，就係會去行便利店，而便利店我一定會去睇下有無溏心蛋賣，同埋一定會去冰櫃朝聖。.
終於依家唔使去旅行先有得食啦，香港終於有啲似樣啲嘅糖心蛋飯團買。雖然已經出咗好耐，今日終於的起心肝買黎試！
________________________
🔹溏心蛋飯團 $14
係由半隻溏心蛋同秘製醬油既飯糰組成，半隻糖心蛋未去到好似廣告咁會流出黎，係中間粒黃半融既膏狀，而且蛋香味十足，有種飛咗去日本台灣食糖心蛋嘅感動！
.
飯團份量都好多下，大約有半碗飯咁多，食完好有飽肚感，飯係日本青森米，有啲似雙羊百搭米咁，幾濕潤。而秘製醬油係一種類似鰻魚汁嘅甜醬油，幾香幾好食。
.
成個飯糰嘅味道我都好滿意，真係要我講改善空間個話，就係半隻蛋加一個飯團有少少分唔勻，如果可以係一隻蛋就好喇！😍😍
.
卡邦尼溏心蛋飯團
$14
73 views
0 likes
0 comments
🔹卡邦尼溏心蛋飯糰 $14
同樣都係半隻蛋加飯糰，唔同既係飯既口味，係卡邦尼口味，食落感覺就似將一碟卡邦尼飯搓成飯糰加上溏心蛋，芝士味濃郁，裡面既煙肉粒都好大塊下，塊塊有成五毫子咁大架！芝士同蛋就一向都夾架喇！
.
我覺得呢個比醬油味重口味，啲飯就算無左隻蛋都好食！但醬油味就蛋味出啲，好難揀呀！
.
始終佢個飯團都係放過入雪櫃，飯始終會硬身少少，所以佢有加熱既建議食法，就係放入家用微波爐1000W，加熱25秒。記得千祈唔好叮太耐，唔係就變熟蛋架喇😂😂
.
上圖你哋見到個樣，就係我叮左25秒，隻蛋依然都係溏心，個飯微微感到暖意，雖然飯有少少硬，但可以係香港食到，已經覺得好感動！重點係分店都幾多幾易買到，價錢又唔貴！
.
💡飯團係每日限量發售，想食嘅朋友要早啲去買呀，我就試過晚上7點去到，全部飯團都已經賣晒
Post
