Video
Read full review
2024-12-11
194 views
雖然香港嘅台式餐廳都好多，但好多都同台灣當地食到嘅有啲唔同，呢間係香港做嘢嘅台灣朋友食過話覺得幾好食，就搵次跟佢嚟食下！⭐️ 起司雞排便當 $63最令人驚喜嘅一個食物！之前食過唔少香港嘅台灣餐廳，滷肉飯嘅肉通常比較少肉汁同乾身少少，但呢度係煮得岩岩好，幾juicy但唔會太肥膩，送飯食岩岩好！而呢度嘅芝士雞排食落會卡卡聲超脆🤣入面啲雞肉好嫩同超多肉汁，配埋芝士多咗鹹香感，無論單食定配埋滷肉飯食都一樣好食！⭐️ 滷肉蔥油拌麵 $54一上枱嗰下幾乎淨係見到啲配料，原來份量都幾豐富，遮住晒啲面🤣拌麵嘅熟度啱啱好，唔會太乾身！滷肉比較粒粒分明，加埋落面度食就更有口感！⭐️ 梅子地瓜條 $36食落有啲似平時台灣夜市嘅地瓜球，甜甜地，但更加酥脆同重蕃薯味，一碟熱辣辣出爐份量都唔少，同frd一路傾計一食下就岩晒🤣⭐️ 肉鬆蛋捲餅 $39蛋餅餡料滿滿，食落超爽，落咗超多我鍾意食嘅肉鬆！蛋香味亦都好濃。另外都見佢有好多唔同味道嘅蛋餅，例如芋泥、起司等，諗住下次再叫其他😋⭐️ 凍黑糖珍珠鮮奶 $34已經好耐無飲過黑糖鮮奶🤣因為成日怕太甜，但今次心血來潮想飲下就嗌咗！感覺餐廳有細心就返香港人嘅口味，整體鮮奶雖然黑糖味濃
⭐️ 起司雞排便當 $63
最令人驚喜嘅一個食物！之前食過唔少香港嘅台灣餐廳，滷肉飯嘅肉通常比較少肉汁同乾身少少，但呢度係煮得岩岩好，幾juicy但唔會太肥膩，送飯食岩岩好！而呢度嘅芝士雞排食落會卡卡聲超脆🤣入面啲雞肉好嫩同超多肉汁，配埋芝士多咗鹹香感，無論單食定配埋滷肉飯食都一樣好食！
⭐️ 滷肉蔥油拌麵 $54
一上枱嗰下幾乎淨係見到啲配料，原來份量都幾豐富，遮住晒啲面🤣拌麵嘅熟度啱啱好，唔會太乾身！滷肉比較粒粒分明，加埋落面度食就更有口感！
⭐️ 梅子地瓜條 $36
食落有啲似平時台灣夜市嘅地瓜球，甜甜地，但更加酥脆同重蕃薯味，一碟熱辣辣出爐份量都唔少，同frd一路傾計一食下就岩晒🤣
⭐️ 肉鬆蛋捲餅 $39
蛋餅餡料滿滿，食落超爽，落咗超多我鍾意食嘅肉鬆！蛋香味亦都好濃。另外都見佢有好多唔同味道嘅蛋餅，例如芋泥、起司等，諗住下次再叫其他😋
⭐️ 凍黑糖珍珠鮮奶 $34
已經好耐無飲過黑糖鮮奶🤣因為成日怕太甜，但今次心血來潮想飲下就嗌咗！感覺餐廳有細心就返香港人嘅口味，整體鮮奶雖然黑糖味濃郁，但無論奶底定珍珠都唔會超甜，飲完唔會話好甜好想飲水，反而配住正餐食都幾夾！
⭐️ 熱香芋奶茶 $24
嗌咗少甜，一飲落去第一下好重茶香味，然後慢慢滲出香芋嘅微甜，適合啲鍾意茶味較重嘅朋友❤️
#日月堂 (觀塘)
觀塘興業街14號永興工業大廈4樓C2室
Post
