Video
Read full review
2017-10-07
1157 views
週年紀念日老公話要同我去食好西，今次諗住試 Jamie Oliver 嘅餐廳。呢間餐廳岩岩喺銅鑼灣開嘅時候已經好想試。不過香港呢d外國過嚟開嘅餐廳次次都係好多人又好難訂枱，慢慢就唔記得左。今次終於喺老公嘅安排之下喺香港有幸食到佢，而香港嘅餐廳佢都有個牌大大隻字寫住 in Hong Kong，個logo 簡單得嚟又表達到個主題。之前去澳洲嘅時候都試過訂枱食過一次，環境同埋氣氛都唔錯，而且佢訂枱嘅系統已經好完善，上網click 幾下留番d 資料就已經完全，岩晒我地呢d 現代人。香港嘅鋪面明顯比澳洲嗰間細d，咁又真係無辦法，香港嘅鋪租出左名係貴。座位空間好明顯比起澳洲窄少少。不過唔緊要，最緊要係食物質素要keep 到。一去到間鋪，見到有半邊門口圍左木板做緊裝修，所以入鋪頭嘅走廊有少少窄。入到去坐低左一陣，聞到有d 油煙味，可能佢因為開放式廚房再加上做緊裝修嘅關係，佢嘅油煙唔係好散到。同澳洲嘅餐廳都有d似，呢度嘅燈光調教到暗暗地，即刻好似好有情調咁。睇下呢張相就知呢度有幾黑 。言歸正傳，講番食物，今次總共叫左3 樣食物 -- 香脆魷魚、Jamie 意式漢堡以及鮮蟹肉意粉。香脆魷魚喺澳洲已經食過
今次終於喺老公嘅安排之下喺香港有幸食到佢，而香港嘅餐廳佢都有個牌大大隻字寫住 in Hong Kong，個logo 簡單得嚟又表達到個主題。
之前去澳洲嘅時候都試過訂枱食過一次，環境同埋氣氛都唔錯，而且佢訂枱嘅系統已經好完善，上網click 幾下留番d 資料就已經完全，岩晒我地呢d 現代人。
香港嘅鋪面明顯比澳洲嗰間細d，咁又真係無辦法，香港嘅鋪租出左名係貴。座位空間好明顯比起澳洲窄少少。不過唔緊要，最緊要係食物質素要keep 到。
一去到間鋪，見到有半邊門口圍左木板做緊裝修，所以入鋪頭嘅走廊有少少窄。入到去坐低左一陣，聞到有d 油煙味，可能佢因為開放式廚房再加上做緊裝修嘅關係，佢嘅油煙唔係好散到。
同澳洲嘅餐廳都有d似，呢度嘅燈光調教到暗暗地，即刻好似好有情調咁。睇下呢張相就知呢度有幾黑 。
言歸正傳，講番食物，今次總共叫左3 樣食物 -- 香脆魷魚、Jamie 意式漢堡以及鮮蟹肉意粉。
香脆魷魚喺澳洲已經食過一次，佢點魷魚嘅醬汁係唔錯嘅，不過唔知係唔係心理作用，總係覺得澳洲嘅香脆魷魚好食d。叫得做香脆魷魚，當然要夠脆口啦，呢項當然係輕易過關啦。側邊仲放左檸檬可以唧d 檸檬汁上去再點醬一齊食，加左檸檬汁嘅魷魚真係會無咁肥膩。
至於另外兩道菜我都係未食過，今次又一於試下好唔好食。先上枱嘅係鮮蟹肉意粉，意粉唔會煮到好淋，都幾彈牙。意粉上面鋪左蟹肉喺面，撈埋一齊食岩岩好。意粉嘅醬汁唔會過多，岩岩好。意粉同平時食開嘅質地有d唔同，佢比較有咬口，唔會淋晒但係又唔會太硬，我幾鍾意佢隻意粉嘅質地。
最後上枱嘅係Jamie 意式漢堡，漢堡配埋薯條一齊上，薯條係幼身嘅薯條，夠熱同埋脆卜卜嘅。漢堡嘅size比想像中細，漢堡嘅精髓牛肉都算好有份量，而且唔係醃到好鹹，味道都唔錯。
食物嘅味道都算唔錯，而且餐廳都算幾有情調。未試過嘅可以試下，不過價錢就貴少少，豪一餐半餐都ok 嘅！
Post
