Video
Read full review
2021-06-20
288 views
我想拜訪「Lagom Kaffe樂感」呢間台式Cafe好耐㗎喇，皆因成日見到朋友食，好似好正咁😛。星期日放假到觀塘一睹價值半億嘅噴泉「風采」，然後就順便再去朝聖。餐廳位於商業大廈嘅底層，佔地面積極大，仲有戶外座位添，但天氣太熱，室外就不了☀️。座位估計超過150個，不過仍然能全場爆滿，絕對係人氣店嘅認證👏。呢度採用QR Code自助落單📲，但亦提供實體餐牌以便參考。日間嘅食品以輕食為主，但聽講晚市有更多鹹食選擇。價錢方面，我認為稍貴，因為食物同飲品都要單點，無套餐或加配優惠。台北燉牛肉意粉($98)，呢個係我一早諗定要嚟食嘅菜式，雖然開初唔知何謂「台北燉」🤣。食落發現原來係麻辣味，超正，仲要係我鍾意嗰種，即係夠哂麻味同鹹香味濃，🌶而辣度都幾明顯㗎。但醬汁中加入咗肉碎粒，我就唔係好鍾意個口感。🍝意粉煮得彈牙，兼且非常掛汁。至於牛肉係肥牛片，份量多又大片，OK啦🐮。豬肉蘋果楓糖三文治($88)，佢同我所認知嘅三文治唔同🥪，我覺得用多士嚟形容會比較適合😅。多士上面放咗勁多餡，激澎湃，冇可能一啖放到入口囉，哈哈！🐷豬肉片有少少甜味，但略嫌有啲油；而蘋果片就爽爽的，如果炆淋啲會同多士更夾。估唔到伴
我想拜訪「Lagom Kaffe樂感」呢間台式Cafe好耐㗎喇，皆因成日見到朋友食，好似好正咁😛。星期日放假到觀塘一睹價值半億嘅噴泉「風采」，然後就順便再去朝聖。
餐廳位於商業大廈嘅底層，佔地面積極大，仲有戶外座位添，但天氣太熱，室外就不了☀️。座位估計超過150個，不過仍然能全場爆滿，絕對係人氣店嘅認證👏。
呢度採用QR Code自助落單📲，但亦提供實體餐牌以便參考。日間嘅食品以輕食為主，但聽講晚市有更多鹹食選擇。價錢方面，我認為稍貴，因為食物同飲品都要單點，無套餐或加配優惠。
台北燉牛肉意粉
$98
12 views
0 likes
0 comments
台北燉牛肉意粉($98)，呢個係我一早諗定要嚟食嘅菜式，雖然開初唔知何謂「台北燉」🤣。食落發現原來係麻辣味，超正，仲要係我鍾意嗰種，即係夠哂麻味同鹹香味濃，🌶而辣度都幾明顯㗎。但醬汁中加入咗肉碎粒，我就唔係好鍾意個口感。🍝意粉煮得彈牙，兼且非常掛汁。至於牛肉係肥牛片，份量多又大片，OK啦🐮。
豬肉蘋果楓糖三文治($88)，佢同我所認知嘅三文治唔同🥪，我覺得用多士嚟形容會比較適合😅。多士上面放咗勁多餡，激澎湃，冇可能一啖放到入口囉，哈哈！🐷豬肉片有少少甜味，但略嫌有啲油；而蘋果片就爽爽的，如果炆淋啲會同多士更夾。估唔到伴旁有沙律菜，用上蜜糖芥茉醬，並能夠發揮中和嘅作用🥗。
玉桂蘋果燕麥奶搖
$48
26 views
0 likes
0 comments
熱非洲寶石($48)，佢係其中一款精品茶🍵，味道幾特別，好重香料味。佢由以下材料製成，包括蜜樹、水果粒、萬壽菊、矢車菊同玫瑰葉🌹。題外話，我唔滿意個水杯，太頹喇，無得打卡！
雲呢拿巴斯克芝士蛋糕
$52
22 views
0 likes
0 comments
總括嚟講，今日終於嚟到樂感朝聖嚕😎，聞名不如見面。佢的確係頗有台式風味，文青聚集地嘅不二之選🇹🇼。雖然消費唔算平，但佢不設限時，冷氣又夠充足，係一個好好嘅歇腳點哦。
Post
