好好運快餐店 (Closed)

搬咗之後嘅好好運入口非常隱蔽，好彩之前有谷友教路，唔使我行冤枉路。一場嚟到，當然要叫沙爹牛肉麵，再另加一份紅腸。沙嗲汁勁濃，有花生同洋蔥香味，少辣偏鹹，雖然唔係我最鍾意嘅口味，但係仍然非常高質👍；牛肉軟腍入味，份量亦唔少；紅腸非常厚切，煎得微脆，又 juicy 又香口，同沙牛麵係絕配。至於麵底選用咗頂好特級大光麵，麵質爽滑彈牙之餘，掛汁能力亦強，真係超正😍。如果時間許可，最好早餐時段嚟，因為平十蚊之餘仲可以揀多個餸😂。