Video
Read full review
2017-06-09
2374 views
經常幫襯，食物味道不錯，但眼見越做越差，今日忍唔住要出聲！鑊撈煎蛋已經有好多次見到煎蛋面有「鑊撈」，見到已經唔開胃，但通常都會撥走就算。今日一打開⋯⋯好似鑊撈多到好似發霉咁，再反去後面仲嚴重！啃死竹籤肉餅好啦，諗住唔食蛋就算啦，然後同事食肉餅飯⋯⋯食食下咬到硬物，原來係一節竹籤！唔小心真係會啃友！回想⋯⋯華安剛開業時真係好有心，外賣包裝分得好好，堂食時亦見老闆及老闆娘要求嚴謹，質素真不錯。煎蛋vs炒蛋此餐廳的炒蛋以前香滑多汁，外賣時會另外分隔開，依家唔係多汁而係多水(似想加水扮滑蛋)，外賣時直接放湯麵內，整碗麵被「蛋水」弄得渾濁、糊糊域域，成pat 嘢咁要人放入口，所以依家我外賣都改為煎蛋，點知都中伏！鮮油多另外，餐廳亦有一味脂肪大挑戰嘅「鮮油多」，多士熱但鮮油凍，襯鮮油未溶時食，好好味，好過翠華，但外賣又係激死！本來外賣鮮油已經易溶，應學翠華一樣分開冰震住鮮油會好d。華安唔做多層功夫都算，包裝伙記仲要將鮮油多垂直放熱辣辣湯麵上，即鮮油只隔包裝紙袋，直接接觸湯麵兜！唔好話拎返公司嘅路程，諗都諗到不出10秒都會溶晒啦！最後變成牛油浸麵包！如果唔係幫襯開，完全想像唔到佢哋以前對包裝咁嚴謹⋯
鑊撈煎蛋
已經有好多次見到煎蛋面有「鑊撈」，見到已經唔開胃，但通常都會撥走就算。今日一打開⋯⋯
好似鑊撈多到好似發霉咁，
再反去後面仲嚴重！
發霉煎蛋2
99 views
0 likes
0 comments
啃死竹籤肉餅
好啦，諗住唔食蛋就算啦，然後同事食肉餅飯⋯⋯
竹籤肉餅飯
66 views
0 likes
0 comments
食食下咬到硬物，原來係一節竹籤！唔小心真係會啃友！
回想⋯⋯
華安剛開業時真係好有心，外賣包裝分得好好，堂食時亦見老闆及老闆娘要求嚴謹，質素真不錯。
煎蛋vs炒蛋
此餐廳的炒蛋以前香滑多汁，外賣時會另外分隔開，依家唔係多汁而係多水(似想加水扮滑蛋)，外賣時直接放湯麵內，整碗麵被「蛋水」弄得渾濁、糊糊域域，成pat 嘢咁要人放入口，所以依家我外賣都改為煎蛋，點知都中伏！
鮮油多
另外，餐廳亦有一味脂肪大挑戰嘅「鮮油多」，多士熱但鮮油凍，襯鮮油未溶時食，好好味，好過翠華，但外賣又係激死！本來外賣鮮油已經易溶，應學翠華一樣分開冰震住鮮油會好d。華安唔做多層功夫都算，包裝伙記仲要將鮮油多垂直放熱辣辣湯麵上，即鮮油只隔包裝紙袋，直接接觸湯麵兜！唔好話拎返公司嘅路程，諗都諗到不出10秒都會溶晒啦！最後變成牛油浸麵包！如果唔係幫襯開，完全想像唔到佢哋以前對包裝咁嚴謹⋯⋯
最後，我認外賣鮮油多係我傻，無理由期望佢會細心到好似翠華咁公開包裝(真係無理由？)，但連最基本嘅煎蛋都煎到咁，抹一下鑊撈都廢事，好難想像食品衛生程度可以有幾好。
好失望⋯⋯
Post
