Video
Read full review
2017-07-30
94 views
今日收工食左川菜。餐廳看似普通，原來坐低食野個刻先知道正宗川菜既魅力。一食就諗起之前出business trip係上海食既川菜。味道真係一模一樣。好多畫面出左黎。呢個酸辣湯，醋既味道唔會太濃，熱辣辣既湯，入邊啲料又放得足。飲完個人即刻好暖。跟住叫左個涼菜木耳。木耳啱啱係雪櫃攞出黎，少少既辣味加埋凍冰冰既感覺。好似個口敷緊mask咁，好消暑。口感爽脆又有少少辣味，味道同出邊有少少唔同，好特別，真係同上海食既一樣，會唔會咁正宗？！叫返個糖醋魚塊。啱啱炒出黎，香味濃。菠蘿同青椒同魚塊一齊食，好正。糖醋汁唔會酸，汁處理得好，濃度適中。最後叫左個五香牛展拼海蜇。呢個先係重點。五香味完全滲入牛肉，牛肉咬口好軟仲好彈牙，唔會軟淋淋。呢個牛展係我食過最好味既牛展，調味真係一流。海蜇好有麻油味，有少少凍，勁爽口。今日好似食左好多好靚既小食，食得好飽。同埋口感同味道俾人感覺好消暑。今次食到好滿足，竟然搵返正宗川菜既感覺。下次會再黎！
餐廳看似普通，原來坐低食野個刻先知道正宗川菜既魅力。一食就諗起之前出business trip係上海食既川菜。味道真係一模一樣。好多畫面出左黎。
呢個酸辣湯，醋既味道唔會太濃，熱辣辣既湯，入邊啲料又放得足。飲完個人即刻好暖。
跟住叫左個涼菜木耳。木耳啱啱係雪櫃攞出黎，少少既辣味加埋凍冰冰既感覺。好似個口敷緊mask咁，好消暑。口感爽脆又有少少辣味，味道同出邊有少少唔同，好特別，真係同上海食既一樣，會唔會咁正宗？！
叫返個糖醋魚塊。啱啱炒出黎，香味濃。菠蘿同青椒同魚塊一齊食，好正。糖醋汁唔會酸，汁處理得好，濃度適中。
最後叫左個五香牛展拼海蜇。呢個先係重點。五香味完全滲入牛肉，牛肉咬口好軟仲好彈牙，唔會軟淋淋。呢個牛展係我食過最好味既牛展，調味真係一流。海蜇好有麻油味，有少少凍，勁爽口。
今日好似食左好多好靚既小食，食得好飽。同埋口感同味道俾人感覺好消暑。今次食到好滿足，竟然搵返正宗川菜既感覺。下次會再黎！
Post
