Video
Read full review
2017-01-19
271 views
離開了中環工作都一段時間這天跟舊同事相約在公司附近吃飯原來安蘭街附近已經今非昔比多了很多食肆，愛周圍吃東西的舊同事說這裡開了一間由前禮賓府總廚主理的餐廳懷舊既裝修，播住舊式既歌好有舊香港情懷我地點左一個二人套餐「羊城鴿鬆」賣相類似生菜包每片生菜都切到好似花瓣上面既配料用了鴿肉西芹粒、荀、冬菇粒煮味道濃郁，一大啖食晒， 新鮮既菜同配料既味道調和，唔會太鹹或太清， 味道岩岩好「大白鱔鹹酸菜燉老雞」味道好似鹹菜豬肚湯用大白鱔黎燉， 湯底更甜雖然有用豬肉黎燉， 但啲豬肉都無因為咁而變韌而且仲幾好味「百花釀蟹鉗」比平時食到的大個好多用蝦膠包住蟹鉗再蘸炸粉再炸外層炸得好香脆，蝦膠炸得好鬆軟入面蟹鉗都好大隻，啖啖肉「香煎石斑配雙色蒸蛋白」用圓拱形既玻璃器皿裝住更加可以睇清楚雙色兩層的效果上層橙紅色係加左紅菜頭汁既蛋白蛋白表面放左煎過既石班再有少少黑松露係表面作調味蛋白味清新怡人，即使相機食完都仲好熱辣辣「五味炸子雞」炸子雞係小妹至愛五味炸子雞即係除左雞之外旁邊仲有五種調料分別是綠茶淮鹽、檸檬汁、南乳醬、洛神花、藍莓其中綠茶淮鹽同南乳醬係好好味， 少少鹹令炸子雞更加惹味而洛神花醬酸中帶甜， 配雞食都幾
這天跟舊同事相約在公司附近吃飯
原來安蘭街附近已經今非昔比
多了很多食肆，愛周圍吃東西的舊同事說這裡開了一間由前禮賓府總廚主理的餐廳
懷舊既裝修，播住舊式既歌好有舊香港情懷
我地點左一個二人套餐
「羊城鴿鬆」賣相類似生菜包
每片生菜都切到好似花瓣
上面既配料用了鴿肉西芹粒、荀、冬菇粒煮
味道濃郁，一大啖食晒， 新鮮既菜同配料既味道調和，唔會太鹹或太清， 味道岩岩好
「大白鱔鹹酸菜燉老雞」味道好似鹹菜豬肚湯
用大白鱔黎燉， 湯底更甜
雖然有用豬肉黎燉， 但啲豬肉都無因為咁而變韌
而且仲幾好味
「百花釀蟹鉗」比平時食到的大個好多
用蝦膠包住蟹鉗再蘸炸粉再炸
外層炸得好香脆，蝦膠炸得好鬆軟
入面蟹鉗都好大隻，啖啖肉
「香煎石斑配雙色蒸蛋白」用圓拱形既玻璃器皿裝住
更加可以睇清楚雙色兩層的效果
上層橙紅色係加左紅菜頭汁既蛋白
蛋白表面放左煎過既石班
再有少少黑松露係表面作調味
蛋白味清新怡人，即使相機食完都仲好熱辣辣
「五味炸子雞」炸子雞係小妹至愛
五味炸子雞即係除左雞之外
旁邊仲有五種調料
分別是綠茶淮鹽、檸檬汁、南乳醬、洛神花、藍莓
其中綠茶淮鹽同南乳醬係好好味， 少少鹹
令炸子雞更加惹味
而洛神花醬酸中帶甜， 配雞食都幾特別
「蝦醬芥蘭煲」用煲仔去上煮過既芥蘭
仲更加保持到個火喉
同洋蔥肉碎再炒
令芥蘭食落仲更加香
更加有口感
「香港炒飯」炒飯炒得好入味
入面有臘肉、欖菜、菜粒、蝦米、咸蛋
多配料之餘， 有埋咸蛋一齊煮
令個炒飯更加香
「合桃露鮮百合」自己本身好少飲合桃露
估唔到原來咁香， 口感有啲似花生糊
夠熱又唔太甜， 岩我唔愛咁既人
上面的百合除左用黎點綴，食落都幾爽口
Post
