George Coffee (Closed)

前身為奧海城 Pacific ; 疫情前易手加了一個頗為大既焗爐，心裏想法是做點即焗麵包，薄餅，蘋果批之類。 新張開業竟然主打咖啡，各類冷三文治；「冇熱食」是對該店第一感覺，直到近日行過，竟然大推焗薯，乃大角嘴奧運呢區激罕之物，今日就去試吓佢！餐廳其實剩下 Pacific 三分一舖位，正午食飯時間難得冇人爭位座，頗舒服。點了好普通既 latte 同咖喱鷄焗薯。堂食。等了十分鐘算是熱上，冇牛油，俾左個外賣盒你，之後盒一打開。。oh dear ！ 怎麼會是這樣的！一堆綠色賣相當難看既物體，「隊」入了細 size 薯仔中間。。已經對呢餐起左反感。帶着極大懷疑去試，原來係一「pat 」泰式青咖喱漿淋在有骨鷄脾上。小弟由細負笈去外地讀書，回港工作，也吃了焗薯十多年，從未見過焗薯跟餸係有骨既。大開眼界！鷄脾跟本冇同咖喱一齊煮過，係薯仔還薯仔，鷄脾還鷄脾，青咖喱還青咖喱，上菜之前放埋一盒便算。 成餐真係冇乜肉食，亦冇嘢好食。呢餐應該係我寫幾十個各區食評入面，價錢味道最不合比例，食物質素亦非常差既一餐。其實焗薯拼泰式咖喱概念係可以既；但實行上賣相整靚啲，而家咁嘅食物質素只能係劣評。凍 Latte 冰多