一生懸麵

Open Now

Now Closed

想試超耐，但次次見到都係排曬長龍！！今次專登2點幾3點先黎，等左一陣就有位，終於比我試到一生懸麵！！我見到佢有個名古屋撈麵好似幾特別，仲要又無圖，好似幾神秘咁，但價錢又唔貴，所以決定挑戰一下，另外都想試下佢地嘅唐揚炸雞(咁難得排到就想試多d野）首先到嘅係唐揚炸雞，係剛剛炸起，個皮好脆，炸粉好薄，雞塊非常juicy!! 但個人覺得唯一小小不足就係有少少唔夠入味。朋友點嘅係櫻花蝦沾麵，櫻花蝦都好足料，同埋好中意佢d拉麵夠粗，口感好好但個人都係覺得個湯有少少偏淡味之後就到我叫嘅名古屋撈麵！簡直係非常非常好食！！！！超抵食！有叉燒又有溫泉蛋，另外仲有蒜，蔥，紫菜，肉碎，同少少湯汁，撈埋一齊簡直不得了非常惹味！大家如果中意食蔥蒜依啲味就一定要試下（隻蛋係我唔小心插爛左先記得要影相）另外一個好抵讚嘅位就係，佢地嘅拉麵真係好足料！大大碗！一定食得飽！