玖五牛肉麵 (Closed)

上年已經開始留意到呢間鋪, 由何家千金親自打理既鋪頭賣既係台灣牛肉麵。自從公司搬左黎銅鑼灣之後，終於有機會試到喇，今次我揀左既係招牌菜紅燒牛肉麵，同埋揀左我至愛既鹽酥小食，入面有鹽酥雞同甜不辣。首先，講牛肉麵先，個湯有好濃既牛肉湯味，入面仲有大大舊既牛肉，牛肉夠哂淋，煮得岩岩好，個湯夠味得黎唔油膩，正呀～！之後，試埋個麵條同鹵水蛋，夠哂彈牙，鹵水蛋又夠入味。最後，試埋個鹽酥小食先，個鹽酥整得幾香口，炸甜不辣口感夠Ｑ，之前都未食過，估唔到又幾好味。估唔到銅鑼灣都食到間咁出色既台灣牛肉麵店，今次食完下次會再幫襯。