廣島沾麵本舖爆彈屋 (Closed)

是日終於趁早一點來吃「晚飯」，由於上一次友人帶我來，但因為店內的位置相當少，所以失望而回。直到今日終於成功試到！就試一試廣島沾麵，由於分level 1-200，我地問店員，正常人是點level幾？佢答話5-10，但最高係level 200.....到底係點食呢？由於今時唔同往日，我都穩穩陣陣點level 10食算了。因為覺得唔夠辣可以後加。另外叫左兩隻生蠔，一個生牛肉同兩杯highball（係日本食野係必叫），不過日本係可以另外加梅味同好多味易入口d。生蠔都肥美同creamy既，生牛肉好驚喜又幾好食喎！不過份量少左d, 得6、7小片但都要七十幾蚊。到左麵喇！先講個汁，落左大量既芝麻，所以每次沾既時候都會連埋好多芝麻一齊食，都幾特別同香口。不過叉燒就流左少少，又乾又薄同無咬口🤦🏻‍♂️ 另外加左隻玉子，唔加既話d配菜都真係爭左d! Level 10初初食既時候唔覺辣，點知越食越辣！辣到出晒汗不過好刺激！所以大家唔係太食得辣又想試真d個味都係叫返level 5-8左右好喇。