Video
Read full review
2008-02-19
22 views
盛八年初五約左個係美國返黎嘅好朋友，本來想食D特別野，但係時間關係，所以只可以係旺角食lunch，結果去左一直想試嘅盛八。上到去只有兩張枱有人，等左一陣都冇人黎帶位，原來佢地只兩個女仔返工，我地三個人隨便坐左張六人枱，個朋友初初睇Menu好似冇乜興趣，佢又成日去日本，D日本人成日帶佢食好野，所以我就好求其叫左幾樣野，牛腹胸, 牛舌, “肥豬肉”(唔記得Menu點寫) ，有機什菜，生菜硑, 念住食住先…上菜就知唔夠同一定唔啱個朋友食，因為份量太少，始終係美國除左和牛冇乜牛冇得食，而且價錢好平同好大份，所以馬上加左Superhot雞肉，牛心，牛肝，泡菜碢…牛腹胸，牛舌未解凍，所以要等一陣先可以開始燒。牛腹胸，好似係招牌菜，牛味幾重，脂肪夠平均，夠厚身，燒起黎D油好香同D肉汁加埋，好正。牛舌，一般有D ”un”，同厚左少少。“肥豬肉”，好香，送飯或者夾生菜幾正。講起食生菜，早輪係大陸同亞爸嘅Korean朋友食Korean BBQ, 先知道D生菜係用黎放係個爐上面, 如果D肉燒好又唔想食住，可以放係D生菜上面隔住，可以保温又唔會燒燋，仲等我係甘攞黎夾肉食。牛肝，OK，幾好味。牛心，以前未試過，
年初五約左個係美國返黎嘅好朋友，本來想食D特別野，但係時間關係，所以只可以係旺角食lunch，結果去左一直想試嘅盛八。
上到去只有兩張枱有人，等左一陣都冇人黎帶位，原來佢地只兩個女仔返工，我地三個人隨便坐左張六人枱，個朋友初初睇Menu好似冇乜興趣，佢又成日去日本，D日本人成日帶佢食好野，所以我就好求其叫左幾樣野，牛腹胸, 牛舌, “肥豬肉”(唔記得Menu點寫) ，有機什菜，生菜硑, 念住食住先…
上菜就知唔夠同一定唔啱個朋友食，因為份量太少，始終係美國除左和牛冇乜牛冇得食，而且價錢好平同好大份，所以馬上加左Superhot雞肉，牛心，牛肝，泡菜碢…
牛腹胸，牛舌未解凍，所以要等一陣先可以開始燒。
牛腹胸，好似係招牌菜，牛味幾重，脂肪夠平均，夠厚身，燒起黎D油好香同D肉汁加埋，好正。
牛舌，一般有D ”un”，同厚左少少。
“肥豬肉”，好香，送飯或者夾生菜幾正。講起食生菜，早輪係大陸同亞爸嘅Korean朋友食Korean BBQ, 先知道D生菜係用黎放係個爐上面, 如果D肉燒好又唔想食住，可以放係D生菜上面隔住，可以保温又唔會燒燋，仲等我係甘攞黎夾肉食。
牛肝，OK，幾好味。
牛心，以前未試過，口感同牛舌差唔多，不過完全唔肥，所以冇乜味，下次一定唔會再食。
Superhot雞肉，反而我覺得係最好食，有雞味，好香黑椒，Marinate得啱啱好。
泡菜碢, 同Korean煮嘅好唔同, 味道唔錯, 同個朋友要加多個飯送埋佢，但講真我唔太清楚碢裏面有乜，因為所有野都煮到溶晒，會有少少泡菜淨。
當我地食晒所有野嘅時侯，個小姐特然攞個有機什菜黎，算啦過年食埋佢，但係份量真係比起個牛仲驚人，三舊加埋應該唔夠三份一條嘅玉米，三片紅蘿蔔，三片洋葱，甘就收四十幾。
成餐飯如果唔係朋友嘅未婚妻話要Keep Fit影婚紗相, 我地一定最少要叫多個炒飯，真係唔係好飽。
其實整體味道係幾好，但係份量實在太少，牛肉唔怪得佢地，但係雞同菜都咁少，就有D過份。Service? 兩個人做十張枱可以有幾好？我地用左兩個幾鍾先食完個Lunch，如果唔係放假，鬼彩佢！
個手寫板幾勁，我D字都認得到!!
Post