Video
Read full review
2020-06-18
1934 views
話說我係La Famille嘅粉絲，經常會選購呢到嘅迷你蛋糕同朋友慶祝生日。唔知係咪我不斷向大家教育嘅關係😂，呢次輪到我朋友買番呢度嘅蛋糕同我慶祝。我朋友都廢事俾驚喜我，直頭帶埋我去拎蛋糕🤣，搞錯咁都得。佢預早訂咗喺APM店到拎，觀塘分店係新開的！一個小小嘅Kiosk舖被唔少途人圍住，皆因被靚靚蛋糕深深吸引住😍。由於第一次食原個裝大蛋糕，而家先知原來會奉送大冰袋一個👍，既保溫又得體。我嘅生日蛋糕係雙重朱古力Double Chocolate Chiffon Cake($350/一磅1 lb)，朋友果然知我心意，我覺得佢係云云大蛋糕中最靚嘅頭三位🎂。朱古力係大路口味，但呢度嘅朱古力味蛋糕我都係首嚐，佢無令我失望，愈簡單嘅味道要整得好食，愈難！蛋糕造型好澎湃✨✨，因為佢營造到啲🍫朱古力多到滴哂、溶哂嘅效果，而且佢好有心思地將部份朱古力餅放喺蛋糕腳位，而唔係單單放哂喺面。蛋糕名叫雙重朱古力，但我認為係三重朱古力先啱。首先，蛋糕上面放咗多種朱古力餅／糖果🍬，當中包括KitKat、Oreo、Snickers、麥提莎、三角朱古力同馬卡龍等。感覺真係好繽紛，不過個別威化類就淋咗啲啲🙈。第二就係朱古力蛋
我朋友都廢事俾驚喜我，直頭帶埋我去拎蛋糕🤣，搞錯咁都得。佢預早訂咗喺APM店到拎，觀塘分店係新開的！
一個小小嘅Kiosk舖被唔少途人圍住，皆因被靚靚蛋糕深深吸引住😍。
由於第一次食原個裝大蛋糕，而家先知原來會奉送大冰袋一個👍，既保溫又得體。
Double Chocolate Chiffon Cake
$350
126 views
1 likes
0 comments
Double Chocolate Chiffon Cake
$350
68 views
0 likes
0 comments
蛋糕名叫雙重朱古力，但我認為係三重朱古力先啱。首先，蛋糕上面放咗多種朱古力餅／糖果🍬，當中包括KitKat、Oreo、Snickers、麥提莎、三角朱古力同馬卡龍等。感覺真係好繽紛，不過個別威化類就淋咗啲啲🙈。
第二就係朱古力蛋糕外層係慕絲Mousse，厚薄適中，甜而不漏。最後，慕絲入面係招牌戚風蛋糕Chiffon Cake，蛋糕口感好正，夠滑夠濕，而且濃味得嚟食完唔會有份油膩感😋。
蛋糕最入面係忌廉，唔算太多，但假若真係唔鍾意食都可以撥走去。佢好在係放喺蛋糕最入面，而唔係蛋糕層中間，想避都避唔到😫。
蛋糕雖然係得一磅，不過感覺好大個，直徑有15cm，而且又夠高身，四個人都未必食得哂🤤。第一次食大蛋糕嘅體驗都相當唔錯，蛋糕平面大啲就可以裝飾得靚啲。題外話，購買大蛋糕會附送生日牌一個，Hi大家好，我係五歲嘅小新😛。
總括嚟講，今次係第一次有人用La Famille嘅蛋糕同我慶生，我終於可以感受到平日收蛋糕嘅人有幾開心，哈哈。價錢$350就唔算平，但講真東X堂嗰啲都唔平得幾多啦，無咁高貴又唔好食。因此，呢間蛋糕舖仍然係我嘅首選💯！
Post
