Video
Read full review
2020-05-01
607 views
香港可以食burger嘅地方有好多，有連鎖店，亦有大量嘅小店。今次就試下灣仔呢一間以家庭式經營嘅burger小店。地點：位於灣仔交通最繁忙街道之一嘅軒尼詩道，所以無論坐巴士定電車都好方便，反而坐地鐵就要行一段路。環境：限聚令下坐位少左，係門口都已經有五六個人排緊隊。不過比起之前晚市嘅人龍，已經算少左人好多排架喇。入到去其實店舖size都唔算細，有bar枱亦有普通餐枱，限聚令下坐少左客，又有膠板做間隔，感覺十分寬闊又安心。半開放式廚房，可以睇到同聞到burger嘅香味，令我都好期待我嘅burger 食物質素：難得尼到呢間都算出名嘅本土小店，係排隊個陣都做左少少research。肉係一個burger嘅靈魂之一，呢間小店用嘅手打牛肉，有US prime認證架。另外個包(burger另一個靈魂)同埋薯條原來係triple O同一個供應商，呢個配搭，咁嘅誠意，burger相信一定有返啲水準而佢嘅menu有散叫burger小食, 亦可以叫套餐。芝心牛肉漢堡配趣樂雞 (套餐$82)上枱貌相都幾靚仔，見到牛肉個層芝士醬，内心已經好期待咬開嘅芝心唔鐘意食酸青瓜嘅我，係影完相之後就開始搵下酸青瓜想挑走佢。
香港可以食burger嘅地方有好多，有連鎖店，亦有大量嘅小店。今次就試下灣仔呢一間以家庭式經營嘅burger小店。
地點：
位於灣仔交通最繁忙街道之一嘅軒尼詩道，所以無論坐巴士定電車都好方便，反而坐地鐵就要行一段路。
環境：
限聚令下坐位少左，係門口都已經有五六個人排緊隊。不過比起之前晚市嘅人龍，已經算少左人好多排架喇。入到去其實店舖size都唔算細，有bar枱亦有普通餐枱，限聚令下坐少左客，又有膠板做間隔，感覺十分寬闊又安心。半開放式廚房，可以睇到同聞到burger嘅香味，令我都好期待我嘅burger
食物質素：
難得尼到呢間都算出名嘅本土小店，係排隊個陣都做左少少research。肉係一個burger嘅靈魂之一，呢間小店用嘅手打牛肉，有US prime認證架。另外個包(burger另一個靈魂)
同埋薯條原來係triple O同一個供應商，呢個配搭，咁嘅誠意，burger相信一定有返啲水準而佢嘅menu有散叫burger小食, 亦可以叫套餐。
芝心牛肉漢堡配趣樂雞 (套餐$82)
上枱貌相都幾靚仔，見到牛肉個層芝士醬，内心已經好期待咬開嘅芝心唔鐘意食酸青瓜嘅我，係影完相之後就開始搵下酸青瓜想挑走佢。呢個burger竟然係無酸青瓜呀!!!!你可以話咁樣係唔夠傳統，但唔鐘意食酸青瓜嘅人終於可以大啖大啖去食個burger!
佢用左沙律菜加沙律醬汁去代替酸青瓜，酸酸地又少少甜，好refreshing! 個牛肉好有咬口，唔係淋pat pat，應該因為係手打牛肉嘅關係，芝士醬同咬口嘅芝心兩種芝士兩種texture係口腔爆發，好滿足。
趣樂雞就係麥樂雞嘅朋友，精粹係佢嘅醬，酸酸甜甜但又唔係麥記個隻酸甜醬，我只係知道佢用尼點雞同薯條都好正。
芝心牛肉漢堡配趣樂雞連飲品餐
$82
57 views
0 likes
0 comments
芝心牛肉漢堡
44 views
0 likes
0 comments
另一個-芝士澳洲和牛漢堡配薯條 (套餐$108)
和牛漢堡睇落去就比較plain，唔似芝心牛肉漢堡有咁多芝士醬。一食落去，牛味超濃，肉質juicy，又唔會overcook。的確唔需要額外嘅醬，否則只會浪費左塊和牛，就咁清清地已經好正
芝士澳洲和牛漢堡配薯條連飲品餐
$108
47 views
0 likes
0 comments
澳洲和牛漢堡
59 views
0 likes
0 comments
服務：
家庭式經營尼講，佢地算人才濟濟。睇得出佢地好有默契，服務完全無問題，上菜速度又夠快，所以翻枱快，排隊唔使好耐。
價錢：
而家係香港食個Burger起碼都過一百蚊，佢套餐包飲品一百都唔過，真係好難得。過一百嘅，已經食到和牛，抵食啦
Post
