桃園眷村 (Closed)

咁啱八月上上海做嘢，有個同事食過桃園眷村話好食，我就無份去，呢日有啲事要去朗豪坊，喺food court揾食，見到原來香港都有佢，就即刻試下！黑糖珍珠奶茶，黑糖夠香，唔會過甜，不過我都係試咗兩啖，因為呢度有我嘅最愛，豆漿燒仙草！呢個真係滿足晒我所有願望，豆漿唔會太甜，燒仙草嘅份量好慷慨，兩個放埋一齊真係好夾講真，淨係飲呢個都已經飽咗！我哋兩個人因為好肚餓，叫咗兩份姿飯，兩份燒餅。仲有今晚嘅重點，鹹豆花！呢個鹹豆花真係不得了，佢有好多配料喺裏面，辣菜甫，花生，葱，蝦皮，紫菜，撈埋個滑溜溜嘅豆花，真係好好好好好好味！我未試過係香港食到咁好味嘅鹹豆花！功夫辣雞腿燒餅，雞扒大大塊， 又香又辣，佢個燒餅好大個，咬落去鬆鬆脆脆，好味！燻肉蔥蛋飯團 ，鍾意佢個肉咸咸地，包係軟綿綿嘅粢飯入面好有咬口，鍾意佢個粢飯做得熱辣辣，重點係唔會有過硬嘅飯粒，除咗銅鑼灣渣甸街嘅粢飯，以後有多個好選擇！肉操滷蛋飯團，又係我好鍾意嘅組合，食肉燥冇咁肥膩，但係有肉嘅飯團先至夠坑口，鍾意佢加左滷水蛋，成個配搭都非常之好！仲好貪心咁叫咗豬扒煎蛋燒餅，其實已經飽到上心口，初頭以為食小食唔夠飽，其實佢啲份量係大大份，再加杯野飲