王牌冰室 (南豐紗廠) (Closed)

經常同同事嚟南豐紗廠呢間冰室，但每次喺門口見到好多人排隊就冇入去。終於今日排咗一陣就入到去，我同同事兩個人食飯，我就叫咗一碟白汁炸蝦雞扒意粉（午餐餐牌），呢個餐雞扒同炸蝦各有一件。雞扒應該係煎過嘅，味道正常，炸蝦就好似炸得過火，意粉爽口彈牙，略嫌少少過粗，白汁味道就不過不失，似足茶餐廳嘅味道。成碟既份量都唔少。我留意到佢嘅招牌菜係黯然叉燒蛋飯，望到隔離枱嘅客人叫呢碟飯都好大份量，兩個女仔可以share，賣相好吸引。所以下次可能會試吓呢個飯。