辛安東元祖奶奶雞 (Closed)

係附近做完野, 約左友人食晚飯, 行下行下見到呢到新開左間新安東元祖奶奶雞 之前係旺角見到太多人排隊, 但今次可能時間尚早, 直接可以入座啦 見個個台面都有杯野飲, 我地當然唔執輸跟風叫一杯先! 佢有幾款口味, 我地叫左杯柚子同梨味試下先 價錢又唔貴喎, 最緊要過癮, 味道都唔錯, 柚子味幾濃! 大大杯, 唔會飲兩啖無哂, 抵飲喎！偷飲左友人個杯梨味, 清清地, 岩晒陣間食D濃味野 呢個牛肋骨炆得好稔好入味, 特別係個白蘿蔔, 吸哂D湯汁, 正 叫多個海蜇, 咁既價錢有咁大兜, 幾抵食! 不過個人口味覺得偏濃, 重口味人士至愛 坐到八點到, 嘩! 爆場咁濟, 好彩早左黎! 而且餐廳都好細心, 每張台都有放樽水, 自助形式都唔錯呀