法國鵝肝專門店 (Closed)

終於食到啦!上次OR lunch錯失機會，今次約埋幾位鐘意食鵝肝的同事去試下。已知地坊唔大，所以預早幾日訂定位。頭盤方面，我加了60蚊改煎鵝肝配蘋果，未食時，廚房傳出來的一陣陣香煎鵝肝味。外層煎得好金黃香脆，只是灑了少許鹽係面，沒有加其他調味品，食落口好脆好原味，不過嫌煎得略熟，而伴碟的蘋果酸酸甜甜好有驚喜。而其他同事的的栗子湯、合桃鴨腎沙律都唔錯。主菜我和同事share食了鵝肝批及焗椰菜花配火腿，先食鵝肝批，面頭得三小塊鵝肝，質素又唔錯喎，而個批皮較薄，唔夠鬆化，不過批味道香濃，食唔夠半份已經好溜。燻火腿配焗椰菜花，火腿好出色、幾有口感，又唔會過鹹，焗椰菜花雖然係好香，但太多芝士忌廉，亦是太溜。到我期待的甜品，我揀了軟心朱古力蛋榚配雪榚，實在太太太細件啦，真係唔多夠喉。朱古力味雖然香濃，但中間的軟心沒有好像溶岩般流出來，有些少遺憾。最後餐飲本來想叫咖啡，但實在太飽太溜，只好飲檸檬茶來中和一下。今餐好飽好溜，但又好滿足。