Video
Read full review
2018-10-09
582 views
我同細妹一向好鍾意東南亞風味，今次聽聞天后有間越式傳統餐廳，就決定搵一晚嚟試吓有幾滋味。餐廳位置唔算係人流多嘅地方，但係正所謂地上執到寶，問天問地攞唔到，根據過去幾年覓食經驗，隱世餐廳通常先至有水準😎行到身水身汗，首先叫咗杯涼浸浸嘅牛油果沙冰！飲落有驚喜，牛油果好香甜，沙冰打到好幼滑，幾乎飲唔出係冰，每啖都係牛油果肉😍😍，$30仲平過自己買牛油果🥑認真抵飲，抵過starbucks😆食越南野少不了越式法包，配料有腩肉、扎肉、肉鬆、青瓜、酸菜、芫荽、蔥、肝醬，始終係經典味道🤩成個法包烤焗過，外皮好鬆脆，厚度適中，令到麵包同配料比例得宜！$65以一碗麵嘅價錢來講唔算平，但係分量足夠兩個人分享。上面有大大塊魚肚，吸收晒上湯好好食。自家製拉麵果然係唔同啲，質地好滑，好有煙韌嘅口感。我斑斕蛋糕食得多，但斑斕綠豆糕真係第一次食，冇估到口感咁豐富，兩層滑嘟嘟又煙韌嘅糯米層中間有綠豆蓉夾心，未放入口已經聞到陣陣椰奶香味，仲有綠豆蓉嘅甜味，雖然細細舊要$13件，但係值得嘅👍🏽
餐廳位置唔算係人流多嘅地方，但係正所謂地上執到寶，問天問地攞唔到，根據過去幾年覓食經驗，隱世餐廳通常先至有水準😎
牛油果沙冰
$30
18 views
0 likes
0 comments
行到身水身汗，首先叫咗杯涼浸浸嘅牛油果沙冰！飲落有驚喜，牛油果好香甜，沙冰打到好幼滑，幾乎飲唔出係冰，每啖都係牛油果肉😍😍，$30仲平過自己買牛油果🥑認真抵飲，抵過starbucks😆
越式法包
$40
10 views
0 likes
0 comments
食越南野少不了越式法包，配料有腩肉、扎肉、肉鬆、青瓜、酸菜、芫荽、蔥、肝醬，始終係經典味道🤩成個法包烤焗過，外皮好鬆脆，厚度適中，令到麵包同配料比例得宜！
Q1麵
$65
26 views
0 likes
0 comments
$65以一碗麵嘅價錢來講唔算平，但係分量足夠兩個人分享。
上面有大大塊魚肚，吸收晒上湯好好食。
自家製拉麵果然係唔同啲，質地好滑，好有煙韌嘅口感。
斑斕綠豆糕
$13
16 views
0 likes
0 comments
我斑斕蛋糕食得多，但斑斕綠豆糕真係第一次食，冇估到口感咁豐富，兩層滑嘟嘟又煙韌嘅糯米層中間有綠豆蓉夾心，未放入口已經聞到陣陣椰奶香味，仲有綠豆蓉嘅甜味，雖然細細舊要$13件，但係值得嘅👍🏽
Post
