Video
Read full review
2019-12-16
228 views
【銅鑼灣食乜好】放假同好朋友去街街..去左呢間bookmark 左好耐既cafe食晚飯～店內裝修好有特色，有好多打卡位～食物方面，我地點左：1.黑到爆炸魷魚圈墨魚滑墨汁燉飯魷魚圈超級香脆，口感彈牙，燉飯食落好creamy ,不過略嫌較乾身，加埋炸蒜超惹味！2.點解個個都叫軟殼蟹pizza㗎 原隻軟殼蟹超香口，芝士味好濃，口感香脆！3.唔記得叫咩肉眼扒 肉眼扒熟度剛剛好，配埋沙律菜食解膩，沙律入面仲有蜜桃芒果，好清新～4.焦糖脆脆咖啡沙冰 濃濃咖啡味，焦糖脆脆份量岩岩好，唔會太過死甜，仲有一塊Oreo,整碎拌勻黎飲，正！5.手工紫薯牛奶有一粒粒紫薯係入面，好香紫薯味又唔會太甜，好好味！整體來講所有食物都份量十足！每款食物質素非常好！難怪全場爆滿，超級推薦大家要去試下！但要提提大家，必定要訂位喔～我地第一次去唔知道，好彩我地5點上去（其實本來諗住食下午茶）員工全部都休息緊，我地要等到大約5:45佢地休息完，先點菜，跟住陸續就有好多食客黎食野喇～仲見到有其他walk-in 客人無位失望而回～所以記得記得要訂位喇😉
放假同好朋友去街街..去左呢間bookmark 左好耐既cafe食晚飯～
店內裝修好有特色，有好多打卡位～
食物方面，我地點左：
1.黑到爆炸魷魚圈墨魚滑墨汁燉飯
魷魚圈超級香脆，口感彈牙，燉飯食落好creamy ,不過略嫌較乾身，加埋炸蒜超惹味！
2.點解個個都叫軟殼蟹pizza㗎
原隻軟殼蟹超香口，芝士味好濃，口感香脆！
3.唔記得叫咩肉眼扒
肉眼扒熟度剛剛好，配埋沙律菜食解膩，沙律入面仲有蜜桃芒果，好清新～
4.焦糖脆脆咖啡沙冰
濃濃咖啡味，焦糖脆脆份量岩岩好，唔會太過死甜，仲有一塊Oreo,整碎拌勻黎飲，正！
5.手工紫薯牛奶
有一粒粒紫薯係入面，好香紫薯味又唔會太甜，好好味！
整體來講所有食物都份量十足！每款食物質素非常好！難怪全場爆滿，超級推薦大家要去試下！
但要提提大家，必定要訂位喔～我地第一次去唔知道，好彩我地5點上去（其實本來諗住食下午茶）員工全部都休息緊，我地要等到大約5:45佢地休息完，先點菜，跟住陸續就有好多食客黎食野喇～仲見到有其他walk-in 客人無位失望而回～所以記得記得要訂位喇😉
點解個個都叫軟殼蟹pizza㗎
29 views
0 likes
0 comments
黑到爆炸魷魚圈墨魚滑墨汁燉飯
29 views
0 likes
0 comments
Post
