黃枝記 (Closed)

黃枝記呢個名聽就聽得多，食就真係未食過。今天路過銅鑼灣，終於掟起心肝，內進一試。呢度一聽就知係家老自号，眼見餐廳不少顧客。而餐牌呢，真的好多元化，不止一般粥粉面飯咁簡單，有許多矜貴選料同食材，好似鮑魚花膠帶子全不缺，估唔到一碗粥，都可以攪咁多花樣既，樣樣都吸引，選擇困難症發作，真係唔知簡個邊樣好喇！狀元及第粥50大粒肉丸加豬潤加豬腰跟豬肚同大腸兼加些少蔥的配撘，粥底香滑軟綿綿，煲得連一粒米也看不見，粥有好香的豬肉味道，十分入味。潤是厚切，有點咬口，腰也大塊，質地較軟糯。當中的豬肚最淋細滋味，豬腸具嚼頭足咸味。肉丸大塊但無乜味。全部食材均能食，沒有丁點浪費。熱辣上碗，碗也不細，很適合冷天吃，食完個身暖笠笠呀！香煎瑤柱蘿蔔糕26熱辣煎好的糕共有兩件，臘味重，加上面頭脆卜卜的瑤柱絲，幾香口，再加上附上的甜醬，就更引起食欲！少見少有瑤柱是這樣炸香舖面的，吃起來，有層次。糕本身已好夠味，夠哂咸，唔加醬也可！一人吃完兩件，已幾膩，仲有點太咸tim!凍奶茶22奶滑茶香，比例做得不俗，高身杯但比正常的要大，冰塊是叫了少但仍不少，所以飲品好夠凍。幸好星期六晚飯時間都不多人，不用等位最抵讚，嘻……