Video
Read full review
2009-05-23
21 views
我同老公今次諗住睇戲前食板長，點知板長門口已經起碼企咗三十幾四十人，我地又買哂戲飛所以唔等得，咁唯有轉食呢間紅樹林啦，橫掂未食過嘛。老公叫咗個「雜菌汁扒西冷」$6X，個侍應問幾成熟，老公話5成得喇；我就叫咗個「紐西蘭蒜蓉肉眼」$6X，個侍應問幾成熟，我話5成得喇；另外我再叫多一個「芝士焗西蘭花」$2X，食多啲蔬菜有益嘛！餐湯：羅宋湯好香而且濃郁，微酸又微辣，又帶有甜味，甜味應該來自牛腩同紅蘿蔔。餐包及牛油：軟餐包微暖，一般質素，“返叮”貨色；牛油香濃，用嚟查落呢舊餐包度，晒咗！雜菌汁扒西冷：佢哋用嘅係“組合牛排”！所以十成熟哂，仲食到“鬆肉粉”味，個汁另上嘅，但搵唔到雜菌。紐西蘭蒜蓉肉眼：依然係“組合牛排”，亦係十成熟哂，一樣有“鬆肉粉”味，個汁另上嘅，竟然同我老公個汁係一樣味道嘅，奇怪！個意粉烚過咗頭，無過冷河就落鑊炒，所以好淋又好油。芝士焗西蘭花：淨係用咗“水牛奶芝士”嚟焗，因為“水牛奶芝士”係無味嘅，啲西蘭花又係無味嘅，所以咩味都無囉，個廚師點解唔用“車打芝士”呢？我係想食「芝士焗西蘭花」，唔係想食「西蘭花拉芝士」喎；仲有兩大舊薯蓉，佔咗一半分量，所以個菜應該改名叫「西蘭花拉芝士
老公叫咗個「雜菌汁扒西冷」$6X，個侍應問幾成熟，老公話5成得喇；我就叫咗個「紐西蘭蒜蓉肉眼」$6X，個侍應問幾成熟，我話5成得喇；另外我再叫多一個「芝士焗西蘭花」$2X，食多啲蔬菜有益嘛！
餐湯：羅宋湯
好香而且濃郁，微酸又微辣，又帶有甜味，甜味應該來自牛腩同紅蘿蔔。
餐包及牛油：
軟餐包微暖，一般質素，“返叮”貨色；牛油香濃，用嚟查落呢舊餐包度，晒咗！
雜菌汁扒西冷：
佢哋用嘅係“組合牛排”！所以十成熟哂，仲食到“鬆肉粉”味，個汁另上嘅，但搵唔到雜菌。
紐西蘭蒜蓉肉眼：
依然係“組合牛排”，亦係十成熟哂，一樣有“鬆肉粉”味，個汁另上嘅，竟然同我老公個汁係一樣味道嘅，奇怪！個意粉烚過咗頭，無過冷河就落鑊炒，所以好淋又好油。
芝士焗西蘭花：
淨係用咗“水牛奶芝士”嚟焗，因為“水牛奶芝士”係無味嘅，啲西蘭花又係無味嘅，所以咩味都無囉，個廚師點解唔用“車打芝士”呢？我係想食「芝士焗西蘭花」，唔係想食「西蘭花拉芝士」喎；仲有兩大舊薯蓉，佔咗一半分量，所以個菜應該改名叫「西蘭花拉芝士扒薯蓉」囉！
餐飲：凍檸茶／熱烏龍茶
凍檸茶無檸檬味，茶亦很“鞋口”，茶同檸檬嘅味完全分開哂，好似無啦啦有啲檸檬趺咗入杯紅茶度嘅感覺；熱烏龍茶只係車仔茶包，但嚟到嘅時候杯茶係暖嘅啫，入口好“澀”，好似浸咗好耐嘅感覺。
埋單$182，呢個價錢竟然俾“組合牛排”我哋食？！仲要問我哋要幾多成熟，都多..餘嘅佢！”落大家樂同大快活都係食“組合牛排，但人哋價錢平一半囉；再講，食“組合牛排”真係無乜益架咋，事關係用啲“下價”、“頭頭尾尾”嘅雜肉壓出嚟嘅，所以塊排係無牛肉紋，勁恐怖囉！
Post