Video
Read full review
2017-12-06
234 views
辛苦完成工作後，想好好獎勵自己，於是約咗朋友嚟食甜品。睇完餐牌，見到有席前甜品，好想見識吓係咩嚟，於是決定叫呢個。Welcome Drink - 未食嘢前就先上呢杯飲品，用試管裝住士多啤梨味飲品，甜甜酸酸，好開胃! Improvisation - 師傅問我哋要咩顏色嘅墊枱紙，我哋揀咗黑色，跟住佢問我哋想寫咩字或者要咩公仔，因為我哋唔係慶祝性質，所以要咗隻minion，佢就開始席前製作甜品。師傅一邊製作，一邊介紹每款汁醬同材料，整整吓仲會俾啲材料我哋試吓，睇住個甜品一步步咁完成，好期待食佢呀! 當以為已經完成之際，重頭戲嚟啦! 雪糕以液態氮製作，成個盤都煙霧瀰漫，視覺效果一流，啲雪糕整完係一嚿嚿，跟平時見到嘅唔同。當個甜品完全嗰一刻，真係成件藝術品，靚到唔捨得食落肚。醬汁有椰子、車厘子及芒果，食材有朱古力脆片、朱古力布甸、柚子啫喱、熱情果蛋糕、綠茶mochi、熱情果辣椒布甸、拖肥脆糖同鮮果，雪糕係竹炭雪糕同雪梨柚子雪糕，面頭再加上龍鬚糖，質感同層次都好豐富，食材有甜有酸，有啲又脆，有啲就煙煙韌韌，再自由配搭唔同食材同醬汁，啖啖都有新鮮感，食落亦唔會覺得膩。另外，呢個餐包咗2款飲品，我叫咗
睇完餐牌，見到有席前甜品，好想見識吓係咩嚟，於是決定叫呢個。
Welcome Drink - 未食嘢前就先上呢杯飲品，用試管裝住士多啤梨味飲品，甜甜酸酸，好開胃!
餐前飲品
5 views
0 likes
0 comments
Improvisation - 師傅問我哋要咩顏色嘅墊枱紙，我哋揀咗黑色，跟住佢問我哋想寫咩字或者要咩公仔，因為我哋唔係慶祝性質，所以要咗隻minion，佢就開始席前製作甜品。
師傅一邊製作，一邊介紹每款汁醬同材料，整整吓仲會俾啲材料我哋試吓，睇住個甜品一步步咁完成，好期待食佢呀!
當以為已經完成之際，重頭戲嚟啦! 雪糕以液態氮製作，成個盤都煙霧瀰漫，視覺效果一流，啲雪糕整完係一嚿嚿，跟平時見到嘅唔同。
當個甜品完全嗰一刻，真係成件藝術品，靚到唔捨得食落肚。醬汁有椰子、車厘子及芒果，食材有朱古力脆片、朱古力布甸、柚子啫喱、熱情果蛋糕、綠茶mochi、熱情果辣椒布甸、拖肥脆糖同鮮果，雪糕係竹炭雪糕同雪梨柚子雪糕，面頭再加上龍鬚糖，質感同層次都好豐富，食材有甜有酸，有啲又脆，有啲就煙煙韌韌，再自由配搭唔同食材同醬汁，啖啖都有新鮮感，食落亦唔會覺得膩。
Improvisation
$348
10 views
0 likes
0 comments
另外，呢個餐包咗2款飲品，我叫咗 Raspberry & Strawberry Tea，朋友就叫咗 Lemon Green Tea，2款都係酸酸哋，好 refreshing! 邊食甜品邊嘆果茶，再傾吓計，望吓出面嘅銅鑼灣夜景，咩煩惱都無晒~~~
Post
