拱照車仔麵 (Closed)

香港仔餐廳多，聽聞車仔麵唔錯，開到對面街有另一間分店。午市1點左右到，已經滿座，不過勝在食客食完就走，唔駛等位。入到去，枱面有紙，自己tick餸。車仔麵配料都有好多選擇，最特別既係有酸齋/齋，好少見車仔麵鋪有尼款餸。叫左雞翼魚肉春卷米粉($34)，配凍豆漿。湯底唔算話好突出，清湯唔油膩。魚肉春卷最好食，同X記粉麵食到既魚肉春卷有得揮。魚肉結實，兩大條。而雞翼就較為普通，簡單醃過，不過肉嫩冇雪藏味，而且雞翼都大隻。米粉份量都多，夠女仔食。整體，午市預左間間餐廳都多人，加上住附近既人都會搭車過黎香港仔食野，所以餐廳種類都多。尼間車仔麵鋪除左可以食粉麵，亦有飯餐，迎合唔同人既口味。