潮食 (乙明邨街市) (Closed)

又有一間小店結業，因為房協唔續租嘅關係，希望佢哋快啲搵到新舖位。小店嘅雞蛋仔款式非常有創意，平時雞蛋仔都係甜食，但係佢哋就將豬柳蛋、Pizza、餐肉蛋、手撕雞嘅概念加入雞蛋仔嘅元素。今次試咗豬柳蛋雞蛋仔，等候時間比較長，要等大約1小時，如果可以嘅話建議平日去。雞蛋仔做得好香脆，入面真係加咗芝士，食到豬柳蛋粒，同埋溶咗個煎蛋，計時輕微溶溶地，食落去有驚喜。除咗一啲創新嘅款式，佢哋亦都有朱古力、抹茶嘅味道，另外都有朱古力格仔餅，款式好多。