Video
Read full review
2018-02-09
967 views
尋晚收工比較晏，本來約左女友喺市區出去食飯，不過見收工晏左，不如揾返上水既餐廳食，唔駛女友走嚟走去! 喺上水好多餐廳既新成路，揾到間門面幾好既西餐廳，就俾佢吸引左入去！餐廳尚算寬敞，提供大約十張檯，食西餐嚟講，坐得舒服對我嚟講係幾緊要！ 坐低無耐待應都好似高級西餐廳咁介紹下今日有咩精選菜式，餐廳食品主打羊仔柳，烤豬手，安格斯漢堡等，飲品就主打咖啡，朱古力等！我哋都參照左待應既介紹，點左尼哥斯沙律，香烤羊仔柳，藍芝士雜菜意大利飯同兩個餐湯！估唔到小小餐廳會提供油醋點麵包，已經係我預奇之外，南瓜湯酸酸甜甜，略帶南瓜甜味，非常開胃！餐廳好有秩序上菜，餐湯飲完之後，會先換餐具再上菜，我估唔到小小店鋪有大餐廳既服務，呢個時候我開始對佢哋既野食有d期待！尼哥斯沙律首先出場！呢個好出名既地中海沙律竟然可以喺上水食到，仲只係賣$88,質素高，味道好！入面有好好多舊厚切黑椒煙燻吞拿魚，濃濃既黑椒令吞拿魚既腥味都去除晒，只係食到肥美既吞拿魚！配合埋火箭菜，薯仔等配料，令人非常開胃！ ! 重點係份量都好大！緊接沙律上檯既係香烤羊仔柳，我哋都跟住待應既介紹order左7成熟，羊仔柳既生熟程度整得剛剛好！非常
餐廳尚算寬敞，提供大約十張檯，食西餐嚟講，坐得舒服對我嚟講係幾緊要！ 坐低無耐待應都好似高級西餐廳咁介紹下今日有咩精選菜式，餐廳食品主打羊仔柳，烤豬手，安格斯漢堡等，飲品就主打咖啡，朱古力等！
我哋都參照左待應既介紹，點左尼哥斯沙律，香烤羊仔柳，藍芝士雜菜意大利飯同兩個餐湯！
估唔到小小餐廳會提供油醋點麵包，已經係我預奇之外，南瓜湯酸酸甜甜，略帶南瓜甜味，非常開胃！
餐廳好有秩序上菜，餐湯飲完之後，會先換餐具再上菜，我估唔到小小店鋪有大餐廳既服務，呢個時候我開始對佢哋既野食有d期待！
尼哥斯沙律首先出場！呢個好出名既地中海沙律竟然可以喺上水食到，仲只係賣$88,質素高，味道好！入面有好好多舊厚切黑椒煙燻吞拿魚，濃濃既黑椒令吞拿魚既腥味都去除晒，只係食到肥美既吞拿魚！配合埋火箭菜，薯仔等配料，令人非常開胃！ ! 重點係份量都好大！
尼哥斯沙律
$88
34 views
0 likes
0 comments
緊接沙律上檯既係香烤羊仔柳，我哋都跟住待應既介紹order左7成熟，羊仔柳既生熟程度整得剛剛好！非常嫩囗，餐廳非常窩心，上檯前已經切好一片片，食落啖啖肉，咬落去肉汁立即滲晒出嚟，而且一d都唔會有膻味，份量又大，其實唔點汁就咁食已經非常好食！
香烤羊仔柳
$165
36 views
0 likes
0 comments
最後上柱既係藍芝士雜菜意大利飯，芝士濃郁足夠拉絲，鋪上面一片片既藍芝士嗰陣香濃既芝士味，單係聞已經令我口水都流埋，食落更係齒甲留香，成口都係嗰陣芝士味，喜歡食比較濃味芝士既朋友，真係千祈唔好錯過！ 意大利飯亦做得恰到好處，唔會太淋，有咬口！
飯後我哋各自都叫左杯野飲，就係餐廳主打既抹茶同朱古力，我就叫左個薄荷朱古力，女友就叫左個green tea lattle!
濃郁香滑既朱古力加上陣陣薄荷味，令到呢餐非常完美
女友既green tea lattle抹茶味濃，唔駛加糖仲好飲！
兩杯飲品有賣相到味道都做到色香味俱全！令我哋非常滿意呢餐
呢餐咁高質既西餐，埋單不過300 幾，以佢哋既高質服務同高質食物嚟講，我覺得係非常合理！我喜歡佢哋d餸菜慢慢一道一道甘上，服務周到！唔會趕住要我哋交檯，俾我哋有充足時間享受每道菜式！仲有時間傾下計！以後想食西餐，可以唔駛再出市區！嚟呢間孖寶餐廳就得！
Post
