Mamaday (Closed)

之前直接walk-in尖沙咀店，太多人等位都冇食到。銅鑼灣店位置都唔多，今次就提前上網預約咗先。店舖環境都幾舒服，座位之間唔會好迫，同埋menu上嘅菜名都好搞怪。蕎麥麵配沾魚露配美利堅合眾國草飼牛扒扒扒 $168牛扒揀咗五成熟，啲肉好香牛味同都幾鮮嫩。仲可以點埋泰式辣醬一齊食，特別得嚟又幾夾。另外都會有埋水果沙律同蝦片，蝦片好大片同好脆。蕎麥麵有落咗好多木魚碎，但就冇乜魚露味。有蟹GO又有蟹肉的蟹蟹蟹意大利扁麵 $138呢款扁意粉同佢個名一樣，係會有好多蟹蟹蟹，裡面係會有齊蟹膏蟹肉蟹鉗同蟹籽。扁麵食落煙韌同埋比較乾身，份量唔多但都幾好食。普通到無得再普通既炸魷魚圈 $68魷魚圈都好唔普通，真係炸到外脆內軟，點埋沙律醬食好滋味。黃金阿婆塊皮 $56見個名咁搞笑就叫嚟試吓，呢款其實係青蘋果沙冰，味道酸酸地，飲落口感好清新，順便可以解膩。